ദോഹ : അൽ റവാബി ഗ്രൂപ്പ് ഓഫ് കമ്പനീസിന്റെ ഏഴാമത് ഹൈപ്പർമാർക്കറ്റ് അൽ മുർറയിലെ അന്നൂർ പെട്രോൾ സ്റ്റേഷനിൽ തുറന്ന് പ്രവർത്തനമാരംഭിച്ചു. അൽ റവാബി ഗ്രൂപ്പ് ഓഫ് കമ്പനീസ് മാനേജിങ് ഡയറക്ടർ മുഹമ്മദ് അബ്ദുല്ല എംപിയുടെ സാന്നിധ്യത്തിൽ ശൈഖ് ഖാലിദ് ഹസൻ എ അൽഥാനിയും അബ്ദുല്ല നായിഫ് എം.എൻ അൽ ദോസരിയും ചേർന്ന് ഉദ്ഘാടനം ചെയ്തു.

ഹോട്ട് ഫുഡ്, ബുച്ചറി, ഫിഷ്, ചീസ് മുതലായ ഉത്പന്നങ്ങൾക്ക് പ്രത്യേക കൗണ്ടറുകളും ആകർഷകമായ മൊബൈൽ കൗണ്ടറും കോഫി ലോഞ്ചും പുതിയ ഹൈപ്പർമാർക്കറ്റിന്റെ പ്രത്യേകതകളാണ്.

1999ൽ റയ്യാനിൽ ആരംഭിച്ച അൽ റവാബി ഹൈപ്പർമാർക്കറ്റിന് വിവിധ മേഖലകളിലായി 40ാംളം ഷോപ്പുകൾ നിലവിലുണ്ട്. അജ്മാനിൽ അൽ റവാബി ഗ്രൂപ്പിന്റെ പുതിയ ഹൈപ്പർമാർക്കറ്റ് രണ്ട് മാസത്തിനുള്ളിൽ പ്രവർത്തനമാരംഭിക്കും.