ഇൻഡോ അമേരിക്കൻ പ്രസ് ക്ലബ് ഹ്യൂസ്റ്റണിൽ ജേർണലിസംവർക്ക്ഷോപ്പ് സംഘടിപ്പിക്കുന്നു
ഹ്യൂസ്റ്റൺ: യുവതീയുവാക്കൾക്ക് പത്രപ്രവർത്തനരംഗത്തുള്ള അറിവും അഭിരുചിയും വളർത്തുന്നതിനായി ഹ്യൂസ്റ്റൺ പ്രസ് ക്ലബും ഇൻഡോ അമേരിക്കൻ പ്രസ് ക്ലബും സഹകരിച്ച് ജേർണലിസം വർക്ക്ഷോപ്പ് സംഘടിപ്പിക്കുന്നു. മാർച്ച് 24നു ശനിയാഴ്ച 9.30 മുതൽ 3.30 വരെ നടക്കുന്ന വർക്ക്ഷോപ്പിൽ അമ്പതോളം വിദ്യാർത്ഥികളെ പ്രതീക്ഷിക്കുന്നു. മീഡിയ രംഗത്തെ തൊഴിലവസരങ്ങൾ, മാധ്യമ ദൗത്യം, രാഷ്ട്രീയവും മാധ്യമവും, വികസനോന്മുഖ മാധ്യമ പ്രവർത്തനം, ഇൻവെസ്റ്റിഗേറ്റീവ് ജേർണലിസം, പോസിറ്റീവ് ആൻഡ് നെഗറ്റീവ് ജേർണലിസം, മാധ്യമരംഗത്തെ അവസരങ്ങളും വെല്ലുവിളികളും, പ്രിന്റ്, വിഷ്വൽ, ഡിജിറ്റൽ, സോഷ്യൽ മാധ്യമ പ്രവർത്തനം എന്നീ വിഷയങ്ങൾ അനുഭവസമ്പന്നരായ പ്രമുഖ മാധ്യമപ്രവർത്തകർ അവതരിപ്പിക്കും. നേതൃത്വ പരിശീലനമാണ് പരിപാടിയുടെ മറ്റൊരു ലക്ഷ്യം. ഹ്യൂസ്റ്റൺ പ്രസ് ക്ലബ് പ്രസിഡന്റ് മൈക്ക് ഒനിൽ ഉദ്ഘാടനം ചെയ്യുന്ന ഏകദിന പരിപാടിയിൽ ഇൻഡോ അമേരിക്കൻ ന്യൂസ് പ്രസാധൻ ജവഹർ മൽഹോത്ര, ഇൻഡോ ഹെറാൾഡ് ചീഫ് എഡിറ്റർ ശേഷാദ്രി കുമാർ, വോയ്സ് ഓഫ് ഏഷ്യ എഡിറ്റർ ശോഭനാ മുറാട്ടി, NNN Network hos
ഹ്യൂസ്റ്റൺ: യുവതീയുവാക്കൾക്ക് പത്രപ്രവർത്തനരംഗത്തുള്ള അറിവും അഭിരുചിയും വളർത്തുന്നതിനായി ഹ്യൂസ്റ്റൺ പ്രസ് ക്ലബും ഇൻഡോ അമേരിക്കൻ പ്രസ് ക്ലബും സഹകരിച്ച് ജേർണലിസം വർക്ക്ഷോപ്പ് സംഘടിപ്പിക്കുന്നു. മാർച്ച് 24നു ശനിയാഴ്ച 9.30 മുതൽ 3.30 വരെ നടക്കുന്ന വർക്ക്ഷോപ്പിൽ അമ്പതോളം വിദ്യാർത്ഥികളെ പ്രതീക്ഷിക്കുന്നു.
മീഡിയ രംഗത്തെ തൊഴിലവസരങ്ങൾ, മാധ്യമ ദൗത്യം, രാഷ്ട്രീയവും മാധ്യമവും, വികസനോന്മുഖ മാധ്യമ പ്രവർത്തനം, ഇൻവെസ്റ്റിഗേറ്റീവ് ജേർണലിസം, പോസിറ്റീവ് ആൻഡ് നെഗറ്റീവ് ജേർണലിസം, മാധ്യമരംഗത്തെ അവസരങ്ങളും വെല്ലുവിളികളും, പ്രിന്റ്, വിഷ്വൽ, ഡിജിറ്റൽ, സോഷ്യൽ മാധ്യമ പ്രവർത്തനം എന്നീ വിഷയങ്ങൾ അനുഭവസമ്പന്നരായ പ്രമുഖ മാധ്യമപ്രവർത്തകർ അവതരിപ്പിക്കും. നേതൃത്വ പരിശീലനമാണ് പരിപാടിയുടെ മറ്റൊരു ലക്ഷ്യം.
ഹ്യൂസ്റ്റൺ പ്രസ് ക്ലബ് പ്രസിഡന്റ് മൈക്ക് ഒനിൽ ഉദ്ഘാടനം ചെയ്യുന്ന ഏകദിന പരിപാടിയിൽ ഇൻഡോ അമേരിക്കൻ ന്യൂസ് പ്രസാധൻ ജവഹർ മൽഹോത്ര, ഇൻഡോ ഹെറാൾഡ് ചീഫ് എഡിറ്റർ ശേഷാദ്രി കുമാർ, വോയ്സ് ഓഫ് ഏഷ്യ എഡിറ്റർ ശോഭനാ മുറാട്ടി, NNN Network host ഡോ. നിക് നികം, ഹ്യൂസ്റ്റൺ ടിവി ഹോസ്റ്റ് സംഗീത ഡുവ, പ്രഫ. ഡോ. ചന്ദ്രമിത്താൾ, ജോസഫ് പൊന്നോലി, പ്രഫ. ഡോ. ഈപ്പൻ ഡാനിയേൽ, ഐഎപിസി ചെയർമാൻ ഡോ. ബാബു സ്റ്റീഫൻ, ജിൻസ്മോൻ സക്കറിയ തുടങ്ങിയവർ ക്ലാസുകൾ നയിക്കും.
പങ്കെടുക്കുന്ന വിദ്യാർത്ഥികൾക്ക് സർട്ടിഫിക്കറ്റ് നൽകുന്നതാണ്. മുൻകൂട്ടി രജിസ്റ്റർ ചെയ്യുന്നവർക്കു മാത്രമേ പ്രവേശനം ഉണ്ടായിരിക്കുകയുള്ളൂ.സാം ഹ്യൂസ്റ്റൺ ടോൾ വേയും റിച്ച്മണ്ട് സ്ട്രീറ്റും ചേരുന്നിടത്തുള്ള എബിബി ബിൽഡിംഗിൽ നാലാം നിലയിലെ മാസ് മ്യൂച്വൽ കോൺഫറൻസ് ഹാളിലാണ് വർക്ക്ഷോപ്പ് നടക്കുന്നത്.
ജേർണലിസം വർക്ക്ഷോപ്പിൽ പേരു രജിസ്റ്റർ ചെയ്യുവാൻ താല്പര്യമുള്ളവർ ഹ്യൂസ്റ്റൺ ചാപ്റ്റർ പ്രസിഡന്റ് ജോർജ് ഡാനിൽ 832-641-7119, സെക്രട്ടറി റോയി തോമസ് 832-768-2860, ട്രഷറർ സംഗീത ഡുവ 832-252-7272, അഡൈ്വസർ ഈശോ ജേക്കബ് 832-771-7646 എന്നിവരുമായി ബന്ധപ്പെടുക.
