കണക്ടിക്കട്ട്: കേരളത്തിലെയും അമേരിക്കയിലെയും ബിസിനസ്അവസരങ്ങൾ തുറന്നുക്കാട്ടിക്കൊണ്ട് ഇൻഡോ അമേരിക്കൻ പ്രസ്‌ക്ലബും(ഐഎപിസി) ഇൻഡോ അമേരിക്കൻ മലയാളി ചേംബർ ഓഫ്കൊമേഴ്സും സംയുക്തമായി നടത്തിയ ബിസിനസ് സെമിനാർ വേറിട്ടതായി. ഇൻഡോ അമേരിക്കൻ പ്രസ്‌ക്ലബിന്റെ മൂന്നാമത്ഇന്റർനാഷ്ണൽ മീഡിയ കോൺഫ്രൻസിനോടനുബന്ധിച്ച് കണക്ടിക്കട്ടിലെഹിൽറ്റൺ ഹോട്ടലിൽ നടന്ന സെമിനാറിൽ കേരളത്തിൽ നിന്നുംഅമേരിക്കയിൽ നിന്നുമുള്ള മാദ്ധ്യമ, ബിസിനസ് പ്രതിനിധികൾ പങ്കടുത്തു.

അമേരിക്കൻ നിക്ഷേപകർക്ക് കേരളത്തിൽ വൻ അവസരങ്ങളാണ്ഉള്ളതെന്നു കർണാടക മുൻ മന്ത്രിയും ചീഫ് സെക്രട്ടറിയുമായിരുന്ന ജെ.അലക്സാണ്ടർ പറഞ്ഞു.ബിസിനസും മീഡയയും രണ്ടും ഇഴചേർന്നതാണെന്നു ഐഎപിസിചെയർമാൻ ജിൻസ്മോൻ പി. സക്കറിയ പറഞ്ഞു. മാദ്ധ്യമങ്ങളിലൂടെ അമേരിക്കയിൽ വൻ അവസരങ്ങളാണ് കണ്ടെത്താൻകഴിയുക.മാദ്ധ്യമങ്ങളെ പ്രയോജനപ്പെടുത്തിക്കൊണ്ട് ബിസിനസ് അവസരങ്ങൾമികച്ചരീതിയിൽ പ്രയോജന പ്പെടുത്താവുന്ന താണെന്നും അദ്ദേഹംകൂട്ടിച്ചേർത്തു.

നിക്ഷേപത്തിന് അനന്തസാധ്യതകളാണ് അമേരിക്കയിലുള്ളതെന്നു മലയാളിചേംബർ ഓഫ് കൊമേഴ്സ് പ്രസിഡന്റ് ജോർജുകുട്ടി പറഞ്ഞു.ഏതുമേഖലയിൽ വേണമെങ്കിലും അമേരിക്കയിൽ നിക്ഷേപംനടത്താമെന്നും അദ്ദേഹം പറഞ്ഞു. അമേരിക്കയിൽ ബിസിനസ്ആരംഭിക്കുന്നതിന് പണം ഒരുപ്രശ്നമല്ലെന്നു പ്രമുഖ ഇൻഡോ അമേരിക്കൻ സംരംഭകൻ അജയ് ജേക്കബ് പറഞ്ഞു. സ്ത്രീകൾക്കും ന്യൂനപക്ഷങ്ങൾക്കും ബിസിനസ് തുടങ്ങുന്നതിനായി അമേരിക്ക നല്ല സഹായമാണ് ചെയ്യുന്നതെന്ന് ചേംബർ ഓഫ് കൊമേഴ്സ് സെക്രട്ടറി ജോസ് ജേക്കബ്പറഞ്ഞു. കേരളത്തിൽ നിന്ന് ധാരാളം ആളുകൾ അമേരിക്കയിൽ പണംമുടക്കാൻ ആഗ്രഹിക്കുന്നുണ്ട്. ഇവർക്കെല്ലാം പിന്തുണ നൽകുന്ന സാഹചര്യമാണ് അമേരിക്കയിലുള്ളതെന്നും അദ്ദേഹം പറഞ്ഞു.

അമേരിക്കയിൽ സംരംഭം തുടങ്ങാനായി ലോൺ ലഭിക്കാൻ വളരെഎളുപ്പമാണെന്നും ജോസ് ജേക്കബ് പറഞ്ഞു.കേരളത്തിൽ റിയൽ എസ്റ്റേറ്റ് മേഖലയിൽ നല്ല അവസരങ്ങളാണ്ഉള്ളതെന്നു കേരളത്തിൽ നിന്നുള്ള പ്രമുഖ സംരംഭകനായ പത്മകുമാർ അഭിപ്രായപ്പെട്ടു. ബിസിനസും മീഡിയയും പരസ്പരംബന്ധപ്പെട്ടുകിടക്കുന്നതാണെന്നും ഇവ രണ്ടും പരസ്പര പുരകങ്ങളായി
പ്രവർത്തിച്ചാലെ രണ്ടുമേഖലയ്ക്കും പ്രയോജനമുണ്ടാകുകയുള്ളുവെന്നുംചേംബർ ഓഫ് കൊമേഴ്സ് ട്രഷറർ കോശി ഉമ്മൻ അഭിപ്രായപ്പെട്ടു.

നിലവാരമുള്ള ഉത്പന്നങ്ങളോ സേവനങ്ങളോ നൽകിയാലേ ബിസിനസ് മെച്ചപ്പെടു കയുള്ളുവെന്നു ദീപിക മുൻ എംഡിയും പ്രമുഖ ഇൻഡോഅമേരിക്കൻ ബിസിനസ് സംരംഭകനായ സുനിൽ ജോസഫ് കൂഴമ്പാലപറഞ്ഞു. അറ്റ്ലാന്റാ ചാപ്റ്റർ പ്രസിഡന്റ് ഡൊമനിക് ചാക്കോളാൻ,സംരംഭകരായ സാബു കുര്യൻ, സാജു കുര്യൻ തുടങ്ങിയവർ ചർച്ചയിൽ
പങ്കെടുത്തു. കൺവൻഷൻ ചെയർമാൻ മാത്തുക്കുട്ടി ഇശോമോഡറേറ്ററായിരുന്നു.