കുവൈത്ത് : ഇന്ത്യൻ ഇസ്ലാഹി സെന്റർ കേന്ദ്ര കമ്മിറ്റിയുടെ ഖുർആൻ ഹിഫ്‌ള് വിംഗായ അൽഫുർഖാൻ ഖുർആൻ സ്റ്റഡി സെന്റർ ഏപ്രലിൽ 29 ന് മസ്ജിദുൽ കബീറിൽ സംഘടിപ്പിച്ച പതിനാലാമത് ഇന്റർനാഷണൽ ഖുർആൻ ഹിഫ്‌ള് മത്സരത്തിൽ വിജയികളായവർക്കുള്ള സമ്മാന വിതരണവും ഇഫ്ത്വാർ മീറ്റും ജൂൺ 9 ന് വ്യാഴാഴ്ച 5 മണിക്ക് ജലീബിലെ ഇസ്ലാഹി ഓഡിറ്റോറിയത്തിൽ നടക്കും.

മത്സരത്തിൽ എട്ട് വയസ്സിന് താഴെയുള്ളവരിൽ നിന്ന് ആയിശ കോകബ് (പാക്കിസ്ഥാൻ) ഒന്നാം സ്ഥാനം നേടിയത്. ഹയ ഇസമുദ്ധീൻ (ശ്രീലങ്ക) രണ്ടാം സ്ഥാനവും നബീഹ അഷ്‌റഫ് (മധുര) മൂന്നാം സ്ഥാനവും നേടി. എട്ട് വയസ്സിനും പന്ത്രണ്ടിനും ഇടയിലുള്ളവരിൽ നിന്ന് ഫാത്തിമ്മ ഷൈമ ഇംറാൻ (ശ്രീലങ്ക), ഹനാം അൻവർ കാസിം (മുംബൈ), ആയിശ തൈസ്ഫിയ (തലശ്ശേരി) എന്നിവർ യഥാക്രമം ആദ്യ മൂന്ന് സ്ഥാനങ്ങൾ കരസ്ഥമാക്കി.

പന്ത്രണ്ടിനും ഇരുപതിനും ഇടയിലുള്ളവരിൽ (പെൺകുട്ടികൾ) നിന്ന് യഥാക്രമം ആദ്യ മൂന്ന് സ്ഥാനങ്ങൾ സുമയ്യ ശാഹുൽ ഹമീദ് (ശ്രീലങ്ക), ഖദീജ റൈദ (കൊയിലാണ്ടി), സിദ്ര അബ്ദുറഹീം (പൊന്നാനി) എന്നിവർ നേടി. ആൺകുട്ടികളിൽ നിന്ന് അർഷിഖ് റഹ്മാൻ (പാക്കിസ്ഥാൻ), റിജാസ് അബ്ദുല്ല (കാസർക്കോട്), മഫാസ് റിയാസ് അബ്ദുല്ല (കോഴിക്കോട്) എന്നിവരും നേടി.

ഇരുപത് വയസ്സിന് മുകളിലുള്ളവരിൽ നിന്ന് (സ്ത്രീകൾ) മൈനാസ് സുറൂർ (രാജസ്ഥാൻ), ഷഹർബാൻ മുഹമ്മദ് ബേബി (തൃശൂർ), കെ.വി ആമിന ഉമ്മർ (കോഴിക്കോട്) ആദ്യ മൂന്ന് സ്ഥാനങ്ങളും പുരുഷ?ാരിൽ നിന്ന് ലബീബ് മുഹമ്മദ് (തൃശൂർ), ഡോ. അബ്ദുറഹിമാൻ (കാസർക്കോട്), യൂ.പി മുഹമ്മദ് ആമിർ (പൊന്നാനി) യഥാക്രമം ആദ്യ മൂന്ന് സ്ഥാനങ്ങളും കരസ്ഥമാക്കി.

മത്സരത്തിലെ മികച്ച പ്രകടനത്തിന് ഇന്ത്യൻ ഇസ്ലാഹി സെന്റർ ഫഹാഹീൽ മദ്രസ്സയിൽ നിന്ന് അൻസഹ് അൻവർ (വേങ്ങര), അബ്ബാസിയ മദ്രസ്സയിൽ നിന്ന് യൂ.പി ഷജീഅഃ ആമിർ (പൊന്നാനി), സാൽമിയ മദ്രസ്സയിൽ നിന്ന് ഷയാൻ, സിയാന (കോഴിക്കോട്) എന്നിവരെയും തെരെഞ്ഞെടുത്തു. ക്വിസ്സ് മത്സരത്തിൽ മൊഹിയുദ്ധീൻ അഹ്മദ് (ഹൈദരാബാദ്) ഒന്നാം സ്ഥാനം നേടിയത്.

വിജയികളായവർ 5 മണിക്ക് മുമ്പായി ഇസ്ലാഹി ഓഡിറ്റോറിയത്തിൽ എത്തണമെന്ന് സെക്രട്ടറി അറിയിച്ചു. വിശദ വിവരങ്ങൾക്ക് ബന്ധപ്പെടുക 99139489, 97228093, 66171195