കുവൈത്ത്: പ്രവാസം മതിയാക്കി നാട്ടിലേക്ക് തിരിക്കുന്ന ഇന്ത്യൻ ഇസ് ലാഹി സെന്റർ സജ്ജീവ പ്രവർത്തകരായ എൻജി. അൻവർ സാദത്തിനും മുഹമ്മദ് ശരീഫ് മണ്ണാർക്കാടിനും യാത്രയയപ്പ് നൽകി. നീണ്ട 14 വർഷം കുവൈത്തിലുള്ള എൻജി. അൻവർ സാദത്ത് ഐ.ഐ.സി കേന്ദ്ര പ്രസിഡന്റ്, ജനറൽ സെക്രട്ടറി, ഓർഗനൈസിങ് സെക്രട്ടറി, വിദ്യാഭ്യാസ സെക്രട്ടറി, ജോ. സെക്രട്ടറി, ശാഖ ഭാരവാഹിത്വം തുടങ്ങി വിവിധങ്ങളായ സ്ഥാനങ്ങൾ വഹിച്ചിട്ടുണ്ട്. ദാറുൽ ഹൻദസ്സ കന്പനിയിൽ മെറ്റീരിയൽ എൻജിയറായിരുന്നു അൻവർ.

5 വർഷത്തെ പ്രവാസിയായ ശരീഫ് മണ്ണാർക്കാട് കേന്ദ്ര ദഅ് വ, ഖുർആൻ ലേണിങ് സ്‌കൂൾ സെക്രട്ടറി എന്നീ സ്ഥാനങ്ങൾ വഹിച്ചിട്ടുണ്ട്. കുപിക് കന്പനിയിലെ ഇ.ഡി.സി കോർഡിനേറ്ററായിരുന്നു ശരീഫ്.

ഐ.ഐ.സി പ്രസിഡന്റ് ഇബ്രാഹിം കുട്ടി സലഫി, കേന്ദ്ര സെക്രട്ടറി എൻജി. ഉമ്മർ കുട്ടി എന്നിവർ അൻവറിനും ശരീഫിനും ഉപഹാരം നൽകി. ജനറൽ സെക്രട്ടറി മനാഫ് മാത്തോട്ടം, യൂനുസ് സലീം, പി.വി അബ്ദുൽ വഹാബ്, അയ്യൂബ് ഖാൻ, അബ്ദുൽ നാസർ മുട്ടിൽ, താജുദ്ധീൻ നന്ദി, ബദറുദ്ധീൻ പുളിക്കൽ, ബക്കർ ചാവക്കാട് എന്നിവർ സംഗമത്തിൽ പങ്കെടുത്തു.

 

ഐ.ഐ.സി