ഡെറാഡൂൺ: മോശം പ്രകടനം കാഴ്ചവച്ച ഐഐടി വിദ്യാർത്ഥികളെ പുറത്താക്കി. റൂർക്കി ഐഐടിയിൽ നിന്നാണ് 73 വിദ്യാർത്ഥികളെ പുറത്താക്കിയത്. ബിടെക് ഒന്നാം വർഷ വിദ്യാർത്ഥികളെയാണ് പുറത്താക്കിയത്.

പൊതു ഗ്രേഡിങ് നിലവാരത്തിൽ 5 പോയിന്റുകൾ നേടിയില്ലെന്ന കാരണം കാട്ടിയാണ് ഇവരെ പുറത്താക്കിയത്. ഇതാദ്യമായാണ് ഇന്ത്യയിൽ എൻജിനീയറിങ് വിദ്യാഭ്യാസ രംഗത്തെ മുൻനിര സ്ഥാപനങ്ങളിലൊന്നായ ഐഐടികളിൽ ഒന്നിൽ നിന്ന് ഇത്രയധികം വിദ്യാർത്ഥികളെ ഒരുമിച്ച് പുറത്താക്കുന്നത്.