മോഹൻലാൽ ആരാധകരുടെ കഥ പറഞ്ഞ ചിത്രങ്ങൾക്ക് പിന്നാലെ മമ്മൂക്കാ ആരാധകർക്കായി സിനിമ അണിയറയിൽ ഒരുങ്ങുന്നു.ചിത്രത്തിന് ഇക്കയുടെ ശകടം എന്നാണ് പേരിട്ടിരിക്കുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റർ സംവിധായകൻ വിപിൻ ആറ്റ്‌ലി പുറത്തുവിട്ടു.

പ്രിൻസ് അവറാച്ചൻ തിരക്കഥ, സംവിധാനം നിർവ്വഹിക്കുന്ന ചിത്രത്തിന്റെ നിർമ്മാണം പോപ് സിനിമാസ് ആണ്. വിദ്യ ശങ്കർ ഛായാഗ്രഹണം. ചിത്രം ജൂലൈയിൽ തീയേറ്ററുകളിലെത്തു മെന്നാണ് വിവരം.

മോഹൻലാൽ ആരാധകരുടേതായി രണ്ട് ചിത്രങ്ങളാണ് അടുത്തിടെ പുറത്തുവന്നത്. സാജിദ് യഹിയയുടെ മോഹൻലാൽ, സുനിൽ ശക്തിധരൻ പുവേലിയുടെ സുവർണ്ണപുരുഷൻ എന്നിവ. മഞ്ജു വാര്യർ, ഇന്ദ്രജിത്ത് എന്നിവരായിരുന്നു മോഹൻലാലിലെ പ്രധാന കഥാപാത്രങ്ങളെങ്കിൽ ലെന, ഇന്നസെന്റ്, ശ്രീജിത്ത് രവി എന്നിവരൊക്കെയാണ് സുവർണ്ണപുരുഷനിൽ മുഖ്യ കഥാപാത്രങ്ങളെ അവതരിപ്പിച്ചത്.