ഷിക്കാഗോ: ഇല്ലിനോയി മലയാളി അസോസിയേഷന്റെ വാർഷിക പൊതുയോഗവും, 2017 -18 കാലഘട്ടത്തിലേക്കുള്ള ഭാരവാഹികളുടെ തെരഞ്ഞെടുപ്പും 2016 ഡിസംബർ മാസം 31-നു ശനിയാഴ്ച ഉച്ചയ്ക്ക് 12 മണിക്ക് മൗണ്ട് പ്രോസ്പെക്ടസിലുള്ള കൺട്രി ഇന്നിൽ (2200 എസ്. എൽമസ്റ്റ് റോഡ്) വച്ച് നടത്തുന്നതാണ്. 25 വർഷങ്ങൾ പൂർത്തിയാകുന്ന സംഘടനയെ സംബന്ധിച്ച് വളരെ പ്രധാനപ്പെട്ടതാണ് ഈ പൊതുയോഗം.

ഇലക്ഷൻ സംബന്ധിച്ച ക്രമീകരണങ്ങൾക്കായി അഡൈ്വസറി ബോർഡിനെ ചുമതലപ്പെടുത്തിയിട്ടുണ്ട്. എല്ലാ അംഗങ്ങളുടേയും സാന്നിധ്യ-സഹകരണങ്ങൾ കമ്മിറ്റി സ്വാഗതം ചെയ്യുന്നു. അംഗത്വം പുതുക്കുന്നവർക്ക് അതിനുള്ള അവസരം യോഗത്തിലുണ്ടായിരിക്കും. ക്രിസ്മസും, പുതുവത്സരവും ചേരുന്ന ഈ സംഗമവേളയിൽ അസോസിയേഷന്റെ അഭ്യുദയകാംക്ഷികളുടെ സംഗമവേദിയായിത്തീരട്ടെ ഈ സമ്മേളനം എന്നു പ്രത്യാശിക്കുന്നു. കൂടുതൽ അംഗങ്ങൾ പൊതുയോഗത്തിൽ പങ്കെടുക്കണമെന്ന് കമ്മിറ്റി അഭ്യർത്ഥിക്കുന്നു.

കൂടുതൽ വിവരങ്ങൾക്ക്: സാം ജോർജ് (പ്രസിഡന്റ്) 773 671 6073, ജോസി കുരിശിങ്കൽ (സെക്രട്ടറി) 773 478 4357, രാജു പാറയിൽ (ട്രഷറർ) 630 768 4918.