ഫുജൈറ: നിയമസഭാ തെരെഞ്ഞെടുപ്പിൽ എൽ ഡി എഫ് നുണ്ടായ വിജയം പ്രഫഷണൽ മാർക്കറ്റിങ് വിജയമാണെന്ന് ഇൻകാസ് ഫുജൈറ പ്രസിഡന്റ് കെ സി അബൂബക്കർ അഭിപ്രായപ്പെട്ടു . എത്ര മോശം ഉൽപന്നവും പ്രൊഫഷണൽ മാർക്കറ്റിങ് തന്ത്രമുപയോഗിച്ചു വിറ്റഴിക്കാമെന്നു തെളിയിക്കുന്നതാണ് തെഞ്ഞെടുപ്പുഫലങ്ങൾ. കിറ്റുകൾ പോലുള്ള വൈകാരിക സമീപനങ്ങൾ കൊണ്ട് ജനങ്ങളെ സ്വാധീനിക്കാൻ കഴിയുമെന്ന് തിരിച്ചറിയുന്നതിൽ യു ഡി എഫ് നേതൃത്വം പരാജയപ്പെട്ടു.

കേരളത്തിൽ യു ഡി എഫ് തോൽവി ബിജെപിക്കു വളരാൻ അവസരമാക്കുമെന്നു അമിത്ഷായെ ബോദ്ധ്‌പ്പെടുത്തിന്നതിലും അതനുസരിച്ചു തന്ത്രങ്ങൾ ഒരുക്കുന്നതിലും ബിജെപി സഹായം ലഭ്യമാക്കുന്നതിലും പിണറായി വിജയൻ വിജയിച്ചു. പക്ഷേ ഇതൊക്കെ കേരളത്തിൽ മതേതര ഐക്യം തകർത്തു ദീഘകാലാടിസ്ഥാനത്തിൽ വലിയ പ്രത്യഘാത മുണ്ടാക്കുമെന്നു നാം തിരിച്ചറിയേണ്ടതുണ്ട്.

കേരളം കണ്ട ഏറ്റവും വലിയ അഴിമതി സർക്കാരിനെതിരെ ജനരോഷം ഉയർത്തികൊണ്ടുവരുന്നതിൽ നേതൃത്വം പരാജയപ്പെട്ടു വെന്നും ജനങ്ങ്‌ളിലേക്ക് ഇറങ്ങി ചെന്ന് പ്രവർത്തിക്കാത്തവരെ ജനം അംഗീകരിക്കില്ലെന്നും ഉപരിപ്ലവമായ ഷോ പ്രവർത്തനങ്ങൾ കൊണ്ട് സമൂഹത്തിന്റെ അടിത്തട്ടിൽ ചലനമുണ്ടാക്കാൻ കഴിയില്ലെന്നും അദ്ദേഹം അഭിപ്രായപ്പെട്ടു.കോൺഗ്രസിൽ സംഘടനാ തെരഞ്ഞെടുപ്പ് നടത്തണം.തലമുറ മാറ്റം അനിവാര്യമാണെന്നും ഇൻകാസ് പ്രസിഡന്റ് പറഞ്ഞു.

 

ഇൻകാസ് ഫുജൈറ