ദോഹ: ഖത്തറിലെ പൊന്നാനി മണ്ഡലത്തിലെ മലയാളികളുടെ കൂട്ടായ്മയായ ഇമ്പിച്ചിബാവ മെമോറിയൽ കൾച്ചറൽ ഓർഗനൈസേഷന്റെ (ഇംകോ) ഒന്നാം വാർഷികാഘോഷം 25 ന് വെള്ളിയാഴ്ച 5 മണിക്ക് സ്‌കിൽസ് ഡവലപ്‌മെന്റ് സെന്ററിൽ വച്ച് നടക്കും. ഇതോടനുബന്ധിച്ച് നടക്കുന്ന സൗഹൃദ സായഹ്നാത്തിൽ ഇംകോ രക്ഷാധികാരിയും മലപ്പുറം ജില്ലാ കമ്മിറ്റി അംഗവുമായ ടി എം സിദ്ദിഖ്, ഡി വൈ എഫ് ഐ മുൻ സംസ്ഥാന വൈസ് പ്രസിഡന്റ് റോഷൻ റോയ് മാത്യു എന്നിവർ പങ്കെടുക്കും. തുടർന്ന് സരിഗ മ്യൂസിക് ഗ്രൂപ്പിന്റെ ഗാനസന്ധ്യയും നടക്കും.