ദമ്മാം:ഇന്ത്യൻ കൾച്ചറൽ ഓർഗനൈസേഷൻ പത്താം വാർഷികാഘോഷം വിവിധ കലാപരിപാടികളോടെ ആഘോഷിച്ചു. ഈസ്‌റ്റേൺ പ്രൊവിൻസ് അസിസ്റ്റന്റ് ഡയറക്ടർ ഓഫ് എഡ്യൂക്കേഷൻ അവദ് ബിൻ മുഹമ്മദ് അൽ മാൽക്കി പരിപാടികളുടെ ഉദ്ഘാടനം നിർവഹിച്ചു. പി എം നജീബ് (ഒഐസിസി), സാജിദ് ആറാട്ടുപുഴ, പി ടി അലവി, കെ ഭാസ്‌ക്കരൻ (ഡബ്ല്യൂഎംസി), സുധീർ ഉധിനൂർ, സലിം ചാത്തന്നൂർ എന്നിവർ ഉദ്ഘാടന ചടങ്ങിൽ സന്നിഹിതരായിരുന്നു.

ടിവി ഷോകളിലെ നിറസാന്നിധ്യവും ഗായകനുമായ അനൂപ് ശങ്കർ ആയിരുന്നു പരിപാടിയുടെ മുഖ്യ ആകർഷണം. കുട്ടികളുടേയും മുതിർന്നവരുടേയും കലാപരിപാടികളും അരങ്ങേറി. അബ്ദുള്ള സലീം അധ്യക്ഷത വഹിച്ച യോഗത്തിൽ ഡിക്‌സൺ ഫെർണാണ്ടസ് സ്വാഗതവും താമ്പ് പതിശേരി നന്ദിയും പറഞ്ഞു.

മുസ്തഫ, ശ്രീവൽസൻ, സാജു വർഗീസ്, അനിൽ കുമാർ, അനിൽ പയ്യന്നൂർ, ബിൻസ് മാത്യു, റഫീക്ക്, കെ ദിനേശ്, ഷഫീക്ക്, പ്രസാദ് ഐപ് എന്നിവർ പരിപാടികൾക്ക് നേതൃത്വം നൽകി.