ഇന്ത്യൻ നേഴ്‌സസ് അസോസിയേഷൻ ഓഫ് ന്യൂയോർക്ക് ഹോളിഡേ ആഘോഷിച്ചു
ന്യൂയോർക്ക്: ഇന്ത്യൻ നേഴ്‌സസ് അസോസിയേഷൻ ഓഫ് ന്യൂയോർക്കിന്റെ (INA- NY) ഈവർഷത്തെ ഹോളിഡേ ആഘോഷം ക്യൂൻസിലുള്ള ടേസ്റ്റ് ഓഫ് കൊച്ചിൻ റെസ്റ്റോറന്റിൽ വച്ച് നടത്തുകയുണ്ടായി. ദീപ്തി നായരുടെ പ്രാർത്ഥനാ ഗീതത്തിനുശേഷം വൈസ് പ്രസിഡന്റ് ഏലിയാമ്മ മാത്യു വന്നുചേർന്ന എല്ലാവർക്കും സ്വാഗതം ആശംസിച്ചു. തുടർന്ന് പ്രസിഡന്റ് ഉഷാ ജോർജ് സംഘടനയുടെ ഈവർഷത്തെ പ
ന്യൂയോർക്ക്: ഇന്ത്യൻ നേഴ്‌സസ് അസോസിയേഷൻ ഓഫ് ന്യൂയോർക്കിന്റെ (INA- NY) ഈവർഷത്തെ ഹോളിഡേ ആഘോഷം ക്യൂൻസിലുള്ള ടേസ്റ്റ് ഓഫ് കൊച്ചിൻ റെസ്റ്റോറന്റിൽ വച്ച് നടത്തുകയുണ്ടായി. ദീപ്തി നായരുടെ പ്രാർത്ഥനാ ഗീതത്തിനുശേഷം വൈസ് പ്രസിഡന്റ് ഏലിയാമ്മ മാത്യു വന്നുചേർന്ന എല്ലാവർക്കും സ്വാഗതം ആശംസിച്ചു. തുടർന്ന് പ്രസിഡന്റ് ഉഷാ ജോർജ് സംഘടനയുടെ ഈവർഷത്തെ പ്രവർത്തനങ്ങൾ വിവരിക്കുകയുണ്ടായി. ഐനാനി ഭാരവാഹികൾ ക്ഷണിക്കപ്പെട്ട അതിഥികളോടൊപ്പം ചേർന്ന് ദീപംകൊളുത്തി ഉദ്ഘാടനം ചെയ്തു. യോഗത്തിൽ മുഖ്യ പ്രഭാഷകയായി വന്നത് നോർത്ത് സെൻട്രൽ ബ്രോങ്ക്‌സ് ഹോസ്പിറ്റൽ നേഴ്‌സിങ് ഓപ്പറേഷൻ അസിസ്റ്റന്റ് ഡയറക്ടർ മറിയാമ്മ വർഗീസ് ആയിരുന്നു. തുടർന്ന് ന്യൂയോർക്ക് പെന്തക്കോസ്തൽ അസംബ്ലിയുടെ അസിസ്റ്റന്റ് പാസ്റ്റർ തോമസ് കിടങ്ങാടിൽ ഹോളിഡേ സന്ദേശം നൽകുകയുണ്ടായി. മറ്റ് പ്രധാന അതിഥികളായ നൈനാ പ്രസിഡന്റ് വിമലാ ജോർജ്, റോക്ക്‌ലാന്റ് കൗണ്ടി ലെജിസ്ലേറ്റർ ഡോ. ആനി പോൾ എന്നിവർ ആശംസകൾ അർപ്പിക്കുകയുണ്ടായി.
അതിനുശേഷം പുതിയ ഭാരവാഹികൾ സത്യപ്രതിജ്ഞ ചെയ്യുകയുണ്ടായി. കഴിഞ്ഞ രണ്ടുവർഷം സ്തുത്യർഹമായ സേവനം അനുഷ്ഠിച്ച സെക്രട്ടറി ഷേർളി അലക്‌സാണ്ടറെ പ്രത്യേകം അനുമോദിക്കുകയുണ്ടായി. ഈ പ്രോഗ്രാം സ്‌പോൺസർ ചെയ്തത് ഗ്രാന്റ് കാനിയൻ യൂണിവേഴ്‌സിറ്റിയാണ്. നാഷണൽ അസോസിയേഷൻ ഓഫ് ഇന്ത്യൻ നേഴ്‌സസ് ഓഫ് അമേരിക്ക (NAINA) യുടെ അംഗത്വം എടുക്കുന്നതിലൂടെ ജി.സി.യു -15% ട്യൂഷൻ ഫീസിൽ ഇളവ് എല്ലാ അംഗങ്ങൾക്കും അവരുടെ ഫാമിലിക്കും നൽകുന്നുണ്ട്. തുടർന്ന് വിവിധ കലാപരിപാടികൾക്കുശേഷം ലീലാമ്മ അപ്പുക്കുട്ടൻ നന്ദി രേഖപ്പെടുത്തുകയുണ്ടായി. ടേസ്റ്റ് ഓഫ് കൊച്ചിന്റെ വിഭവസമൃദ്ധമായ സദ്യയും ഒരുക്കിയിരുന്നു. പ്രസിഡന്റ് ഉഷാ ജോർജ് അറിയിച്ചതാണിത്. 
