ദോഹ: കോഴിക്കോട് വിമാനത്താവളത്തിലേക്ക് ദോഹയിൽ നിന്നു നേരിട്ടുള്ള സർവീസുമായി ഇൻഡിഗോ. ജൂലൈ 20 മുതലാണു ദോഹ- കോഴിക്കോട് റൂട്ടിൽ ഇൻഡിഗോ നേരിട്ടുള്ള സർവീസ് ആരംഭിക്കുക. പുലർച്ചെ 3.50നു ദോഹയിൽ നിന്നു പുറപ്പെടുന്ന വിമാനം 10.35നു കോഴിക്കോട്ടെത്തും.

കോഴിക്കോട്ടു നിന്ന് ഉച്ചയ്ക്ക് 12.25നു പുറപ്പെടുന്ന വിമാനം 2.10നു ദോഹയിലെത്തും. ഈ സർവീസുകളിലേക്ക് ഇപ്പോൾ ടിക്കറ്റുകൾ ബുക് ചെയ്യാം. കോഴിക്കോടിനു പുറമെ ചെന്നൈയിലേക്കും ഇൻഡിഗോ നേരിട്ടുള്ള സർവീസ് ആരംഭിക്കുന്നുണ്ട്.