ഇന്ത്യൻ വിമാനക്കമ്പനിയായ ഇന്റിഗോ എയർലൈൻസിന്റെ ദോഹ കോഴിക്കോട് സർവ്വീസ് ജൂലൈ 20 മുതൽ ആരംഭിക്കും.കുറഞ്ഞ ചെലവിൽ പ്രവാസികൾക്ക് നാട്ടിലേക്ക് പറക്കാൻ അവസരമാണ് ഇതോടെ കൈവന്നിരിക്കുന്നത്.399 റിയാൽ മുതലുള്ള ഉദ്ഘാടന ഓഫറാണ് ഇന്റിഗോ പ്രഖ്യാപിച്ചത്. ഈ റൂട്ടിൽ സർവ്വീസ് നടത്തുന്ന മൂന്നാമത്ത ഇന്ത്യൻ കമ്പനിയാണ് ഇന്റിഗോ പ്രതിദിന സർവ്വീസിനാണ് തുടക്കം കുറിക്കുന്നത്.

ജൂലൈ 20 മുതൽ ദോഹയിൽ നിന്ന് കോഴിക്കോട്ടേക്ക് പ്രതിദിന വിമാന സർവ്വീസാണ് ഇന്റിഗോ എയർലൈൻസ് പ്രഖ്യാപിച്ചത്. പുലർച്ചെ 3 45 ന് ദോഹയിൽ നിന്ന് കോഴിക്കേട്ടേക്ക് പുറപ്പെടുന്ന വിമാനം രാവിലെ 10 30 ന് കോഴിക്കോട്ടെത്തും. കോഴിക്കോട്ട് നിന്ന് 11 30 പുറപ്പെടുന്ന വിമാനം ഉച്ചക്ക് 1 30 ന് ദോഹയിലെത്തും. ചെലവു കുറഞ്ഞ യാത്രയാണ് ഇന്റിഗോയുടെ ഉദ്ഘാടന ഓഫർ 399 റിയാലാണ് ടിക്കറ്റ് നിരക്ക്.

മെയ് അഞ്ചിന് ഡെൽഹി മുംബൈ റൂട്ടുകളിലേക്ക് ആരംഭിക്കുന്ന സർവ്വീസുകളോടെയാണ് ഇന്റിഗോയുടെ ദോഹ ഓപ്പറേഷന് തുടക്കമാവുക . ഉടൻ തന്നെ കൊച്ചിയിലേക്കും തിരുവനന്തപുര ത്തേക്കും കൂടി സർവ്വീസ് ആരംഭിക്കും ഇതോടെ ആറ് ഇന്ത്യൻ നഗരങ്ങളിലേക്കുള്ള ചെലവു കുറഞ്ഞ വിമാനയാണ് തങ്ങൾ ഖത്തർ പ്രവാസികൾക്ക് സമ്മാനിക്കുന്നതെന്നാണ് ഇന്റിഗോ അധികൃതർ പറയുന്നത് .