റബർ പ്രതിസന്ധി: കേന്ദ്രസർക്കാർ അടവുനയം തിരുത്തി കർഷകരെ സംരക്ഷിക്കണം-ഇൻഫാം
കോട്ടയം: കാലാവസ്ഥാ വ്യതിയാനവും വിലയിടിവുംമൂലം റബർ കർഷകർ ടാപ്പിങ് പരിപൂർണ്ണമായി നിർത്തി ഉല്പാദനം നിലച്ചിരിക്കുന്നതുകൊണ്ടും പ്രമുഖ റബറുല്പാദക രാജ്യങ്ങളായ തായ്‌ലണ്ടിലെയും ഇന്തോനേഷ്യയിലെയും സർക്കാരുകൾ വിപണിവിലയുടെ ഇരട്ടിനൽകി കർഷകരിൽ നിന്ന് നേരിട്ട് റബർ സംഭരിച്ച് സ്റ്റോക്ക് ചെയ്യുന്നതുമൂലം അന്താരാഷ്ട്ര മാർക്കറ്റിൽ വിലമെച്ചപ്പെടുവാൻ തുടങ്ങിയതിലുള്ള പ്രതിഫലനവുമാണ് റബർ വിലയിൽ കേരള വിപണിയിലെ താൽക്കാലിക ഉയർച്ചയെന്നും കേന്ദ്രസർക്കാർ അടവുനയം തിരുത്തി കർഷകരെ രക്ഷിക്കുവാൻ ആത്മാർത്ഥമായി തയ്യാറാകണമെന്നും ഇൻഫാം ദേശീയ സെക്രട്ടറി ജനറൽ ഷെവലിയർ അഡ്വ.വി.സി.സെബാസ്റ്റ്യൻ അഭ്യർത്ഥിച്ചു. വിപണിയിൽ റബർ വിലയുയരുമ്പോൾ കർഷകർക്ക് ഉല്പന്നമില്ലാത്ത അവസ്ഥയാണ്. വൻ റബർ സ്റ്റോക്കുള്ള വൻകിട വ്യാപാരികൾക്കുമാത്രമേ ഇതുമൂലം നേട്ടമുണ്ടാകുകയുള്ളൂ. റബർവില സ്ഥിരമായി മെച്ചപ്പെടണമെങ്കിൽ അന്താരാഷ്ട്ര കരാറുകളെ അതിജീ
കോട്ടയം: കാലാവസ്ഥാ വ്യതിയാനവും വിലയിടിവുംമൂലം റബർ കർഷകർ ടാപ്പിങ് പരിപൂർണ്ണമായി നിർത്തി ഉല്പാദനം നിലച്ചിരിക്കുന്നതുകൊണ്ടും പ്രമുഖ റബറുല്പാദക രാജ്യങ്ങളായ തായ്‌ലണ്ടിലെയും ഇന്തോനേഷ്യയിലെയും സർക്കാരുകൾ വിപണിവിലയുടെ ഇരട്ടിനൽകി കർഷകരിൽ നിന്ന് നേരിട്ട് റബർ സംഭരിച്ച് സ്റ്റോക്ക് ചെയ്യുന്നതുമൂലം അന്താരാഷ്ട്ര മാർക്കറ്റിൽ വിലമെച്ചപ്പെടുവാൻ തുടങ്ങിയതിലുള്ള പ്രതിഫലനവുമാണ് റബർ വിലയിൽ കേരള വിപണിയിലെ താൽക്കാലിക ഉയർച്ചയെന്നും കേന്ദ്രസർക്കാർ അടവുനയം തിരുത്തി കർഷകരെ രക്ഷിക്കുവാൻ ആത്മാർത്ഥമായി തയ്യാറാകണമെന്നും ഇൻഫാം ദേശീയ സെക്രട്ടറി ജനറൽ ഷെവലിയർ അഡ്വ.വി.സി.സെബാസ്റ്റ്യൻ അഭ്യർത്ഥിച്ചു.
വിപണിയിൽ റബർ വിലയുയരുമ്പോൾ കർഷകർക്ക് ഉല്പന്നമില്ലാത്ത അവസ്ഥയാണ്. വൻ റബർ സ്റ്റോക്കുള്ള വൻകിട വ്യാപാരികൾക്കുമാത്രമേ ഇതുമൂലം നേട്ടമുണ്ടാകുകയുള്ളൂ. റബർവില സ്ഥിരമായി മെച്ചപ്പെടണമെങ്കിൽ അന്താരാഷ്ട്ര കരാറുകളെ അതിജീവിച്ച് കേന്ദ്രസർക്കാരിന്റെ ശക്തമായ ഇടപെടൽ അനിവാര്യമാണ്. സംസ്ഥാന സർക്കാരിന് രാജ്യാന്തര ഇടപെടലുകൾക്ക് പരിമിതികളുണ്ട്. മുൻ കേന്ദ്രസർക്കാർ ഒപ്പിട്ട അന്താരാഷ്ട്ര കരാറുപ്രകാരം പരമാവധി ഇറക്കുമതി തീരുവ 25 ശതമാനമായി മോദിസർക്കാർ ഉയർത്തിയിട്ടും വിപണിയിൽ തളർച്ചയാണുണ്ടായത്. കേന്ദ്രസർക്കാർ പ്രഖ്യാപിച്ച മുംബൈ, ചെന്നൈ തുറമുഖങ്ങളിലൂടെയുള്ള റബറിന്റെ ഇറക്കുമതി നിയന്ത്രണവും വിലത്തകർച്ചയ്ക്ക് പരിഹാരമായിട്ടില്ല. വാജ്‌പേയ് സർക്കാരിന്റെ കാലത്തേതുപോലെ വിശാഖപട്ടണം, കൽക്കട്ട എന്നീ തുറമുഖങ്ങളിലേയ്ക്ക് ഈ നിയന്ത്രണം മാറ്റേണ്ടതാണ്. അഡ്വാൻസ് ഓതറൈസേഷൻ സ്കീമിലൂടെ ചുങ്കമില്ലാതെയുള്ള ഇറക്കുമതി നിരോധിച്ച് 2016 ജനുവരി 22ന് കേന്ദ്രസർക്കാർ പുറപ്പെടുവിച്ച ഉത്തരവ് മാർച്ച് 31ന് അവസാനിച്ചു. ഈ ഉത്തരവ് ഒരു വർഷത്തേയ്ക്ക് അടിയന്തരമായി നീട്ടണമെന്ന് വി.സി.സെബാസ്റ്റ്യൻ ആവശ്യപ്പെട്ടു.
തായ്‌ലണ്ട് സർക്കാരിനെ മാതൃകയാക്കി ഇന്ത്യാഗവൺമെന്റും കർഷകരിൽ നിന്ന് റബർ സംഭരിക്കുന്ന സംവിധാനമുണ്ടാകണം. കേന്ദ്രസർക്കാർ കർഷകർക്ക് സഹായധനവും നൽകണം. ഈ അടിയന്തര നടപടികളും റബർ പാക്കേജുമില്ലാതെ ഇന്നു നേരിടുന്ന റബർ പ്രതിസന്ധിക്ക് താൽക്കാലികമായിട്ടുപോലും പരിഹാരമുണ്ടാവുകയില്ലെന്ന് വി.സി.സെബാസ്റ്റ്യൻ സൂചിപ്പിച്ചു.
