കോൺഗ്രസ് തിരിച്ചു വരണമെന്ന് ഞാൻ പറഞ്ഞിട്ടുണ്ടെങ്കിൽ എന്റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണം; തന്റെ ചില പരസ്യങ്ങൾ തെറ്റിപ്പോയി എന്ന രീതിയിൽ സോഷ്യൽ മീഡിയയിൽ പ്രചരിക്കുന്ന വ്യാജ പോസ്റ്റിന്...

കൊച്ചി: തിരഞ്ഞെടുപ്പ് കാലം ട്രോളന്മാർക്ക് ചാകരക്കാലമാണ്. ഒറ്റട്രോളിൽ കാര്യങ്ങൾ മാറിമറിയാം.ഇക്കൂട്ടത്തിൽ വ്യാജ പോസ്റ്റുകളും പ്രചരിക്കുന്നു. നടനും മുൻ എംപിയുമായ ഇന്നസെന്റിന്റെ പേരിലാണ് അത്തരമൊരു വ്യാജ പോസ്റ്റ്. തന്റെ ഔദ്യോഗിക പേജിലൂടെയാണ് പ്രതികരണം.കോൺഗ്രസിന്റെ തിരിച്ചുവരവ് ഈ കാലഘട്ടത്തിന്റെ ആവശ്യമാണ്. എന്റെ ചില പരസ്യങ്ങൾ തെറ്റിപ്പോയി എന്ന് തോന്നുന്നു. ഇന്നസെന്റ്' ഇതാണ് സമൂഹമാധ്യമങ്ങളിൽ പ്രചരിച്ച പോസ്റ്റ്

എന്നാൽ, കോൺഗ്രസ് തിരിച്ചുവരണമെന്ന് പറഞ്ഞിട്ടുണ്ടെങ്കിൽ തന്റെ സാമാന്യബുദ്ധിക്ക് എന്തെങ്കിലും തകരാർ ഉണ്ടാവണമെന്നാണ് ഇന്നസെന്റിന്റെ പ്രതികരണം.

പിതാവിലൂടെയാണ് രാഷ്ട്രീയം തന്നിലേക്ക് പകർന്നത്. കരുതലിന്റേയും വികസനത്തിന്റേയും തുടർ ഭരണം ഉണ്ടാവണമെന്ന കേരളത്തിന്റെ പൊതുവികാരമാണ് തനിക്കും. അതില്ലാതാക്കാൻ പച്ചക്കള്ളം പ്രചരിപ്പിക്കുന്നത് മാന്യതയല്ലെന്നും ഇന്നസെന്റ് പറഞ്ഞു.

എഫ്ബി കുറിപ്പ്:

ആറ് പതിറ്റാണ്ടോളം ഇന്ത്യ ഭരിച്ചതിനു ശേഷം സ്വന്തം കൈയിലിരിപ്പു കൊണ്ട് ഏതാനും സംസ്ഥാനങ്ങളിലൊതുങ്ങിയ കോൺഗ്രസ് തിരിച്ചു വരണമെന്ന് ഞാൻ പറഞ്ഞിട്ടുണ്ടെങ്കിൽ എന്റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണം.

എന്റെ പിതാവിലൂടെ എന്നിലേക്ക് പകർന്നതാണ് എന്റെ രാഷ്ട്രീയം. കരുതലിന്റേയും വികസനത്തിന്റേയും തുടർ ഭരണം ഉണ്ടാവണമെന്ന കേരളത്തിന്റെ പൊതുവികാരമാണ് എനിക്കും. അതില്ലാതാക്കാൻ പച്ചക്കള്ളം പ്രചരിപ്പിക്കുന്നത് മാന്യതയേയല്ല.