കുഞ്ഞുങ്ങളുടെ മേൽ കൈ വയ്ക്കുന്നവരുടെ കൈ മുറിച്ചു കളയണം; കുഞ്ഞുങ്ങളെ കുറിച്ച് അശ്ലീലം ചിന്തിക്കുന്നവരെ ഷണ്ഡീകരിക്കണം; മൊയ്തീൻ കുട്ടിമാർ ഉണ്ടാവാതിരിക്കാൻ നമ്മൾ മൗനം വെടിഞ്ഞേ മതിയാവൂ-ഇൻസ്റ്റന്റ് റെസ്‌പോൺസ്
എടപ്പാളിലെ ഒരുതിയറ്ററിൽ വെച്ച് ഗൾഫിലെ പ്രമുഖനായ ഒരു വ്യവസായി പത്തു വയസ്സുള്ള ഒരു പെൺകുട്ടിയേയും അമ്മയേയും ഒരുമിച്ച് പീഡിപ്പിച്ച ദൃശ്യങ്ങളാണ് ഇന്നലെ ചാനലുകൾ പുറത്ത് വിട്ടത്. ഈ വ്യവസായിക്ക് ഈ കുട്ടിയുമായും അമ്മയുമായും അടുത്ത ബന്ധമുണ്ടെന്നും ഇവർ താമസിക്കുന്നത് ഇയാളുടെ ഫ്‌ളാറ്റിൽ ആണെന്നും പിന്നീട് വ്യക്തമായി. തിയറ്ററിന് ഉള്ളിലിരുന്നു കൊണ്ട് ഒരു വശത്ത് കൂടി അമ്മയേയും മറുവശത്ത് കൂടി മകളേയും പീഡിപ്പിക്കുന്ന ദൃശ്യങ്ങളാണ് പുറത്ത് വന്നത്. ഏപ്രിൽ 26ന് ഇങ്ങനെ ഒരു സംഭവം പുറത്ത് വന്നിട്ടും പൊലീസ് ഇയാൾക്കെതിരെ കേസ് എടുക്കാനോ അന്വേഷണം നടത്താനോ തയ്യാറായില്ല എന്ന ഞെട്ടിക്കുന്ന വിവരവും ഇതിന് പിന്നാലെ പുറത്ത് വന്നു. കുട്ടികൾ വ്യാപകമായി പീഡിപ്പിക്കപ്പെടുന്ന കാലമാണിത്. ഈ അമ്മ തന്നെയാണ് സ്വന്തം മകളെ ഈ വൃദ്ധന് കാഴ്ചവെച്ചത്. ഇതുമാത്രമല്ല, തിയറ്ററിൽ വെച്ച് ഇങ്ങനെ ഒരു സംഭവം ഉണ്ടായിട്ടും ഈ കുട്ടി സ്വാഭാവികമായി പെരുമാറിയത് ഇതിന് മുമ്പും ഇയാളാൽ പീഡിപ്പിക്കപ്പെട്ടിട്ടുണ്ടാവാം എന്ന സൂചനയാണ്. മാത്രമല്ല ഈ സ്ത്രീക്ക് ഈ ക
എടപ്പാളിലെ ഒരുതിയറ്ററിൽ വെച്ച് ഗൾഫിലെ പ്രമുഖനായ ഒരു വ്യവസായി പത്തു വയസ്സുള്ള ഒരു പെൺകുട്ടിയേയും അമ്മയേയും ഒരുമിച്ച് പീഡിപ്പിച്ച ദൃശ്യങ്ങളാണ് ഇന്നലെ ചാനലുകൾ പുറത്ത് വിട്ടത്. ഈ വ്യവസായിക്ക് ഈ കുട്ടിയുമായും അമ്മയുമായും അടുത്ത ബന്ധമുണ്ടെന്നും ഇവർ താമസിക്കുന്നത് ഇയാളുടെ ഫ്‌ളാറ്റിൽ ആണെന്നും പിന്നീട് വ്യക്തമായി. തിയറ്ററിന് ഉള്ളിലിരുന്നു കൊണ്ട് ഒരു വശത്ത് കൂടി അമ്മയേയും മറുവശത്ത് കൂടി മകളേയും പീഡിപ്പിക്കുന്ന ദൃശ്യങ്ങളാണ് പുറത്ത് വന്നത്.
ഏപ്രിൽ 26ന് ഇങ്ങനെ ഒരു സംഭവം പുറത്ത് വന്നിട്ടും പൊലീസ് ഇയാൾക്കെതിരെ കേസ് എടുക്കാനോ അന്വേഷണം നടത്താനോ തയ്യാറായില്ല എന്ന ഞെട്ടിക്കുന്ന വിവരവും ഇതിന് പിന്നാലെ പുറത്ത് വന്നു. കുട്ടികൾ വ്യാപകമായി പീഡിപ്പിക്കപ്പെടുന്ന കാലമാണിത്. ഈ അമ്മ തന്നെയാണ് സ്വന്തം മകളെ ഈ വൃദ്ധന് കാഴ്ചവെച്ചത്. ഇതുമാത്രമല്ല, തിയറ്ററിൽ വെച്ച് ഇങ്ങനെ ഒരു സംഭവം ഉണ്ടായിട്ടും ഈ കുട്ടി സ്വാഭാവികമായി പെരുമാറിയത് ഇതിന് മുമ്പും ഇയാളാൽ പീഡിപ്പിക്കപ്പെട്ടിട്ടുണ്ടാവാം എന്ന സൂചനയാണ്. മാത്രമല്ല ഈ സ്ത്രീക്ക് ഈ കുട്ടിയെ കൂടാതെ മറ്റ് രണ്ട് പെൺകുട്ടികൾ കൂടിയുണ്ട്. ഇവരും ഇയാളാൽ പീഡിപ്പിക്കപ്പെടുന്നുണ്ടാവാം.
ഈ സംഭവം പുറത്ത് വന്നപ്പോൾ മുഹമ്മദ് ഷഫീഖ് വളപ്പിൽ എന്നയാൾ ഫേസ്‌ബുക്കിൽ പോസ്റ്റ് ചെയ്തത് ഇങ്ങനെയാണ്. തീർച്ചയായും എല്ലാ മനുഷ്യർക്കും വ്യക്തമായ ലൈംഗിക താൽപര്യങ്ങൾ ഉണ്ട്. അവർ സ്വകാര്യമായി ചെയ്യുന്ന, ഉഭയ സമ്മതത്തോടെ ചെയ്യുന്നതാണെങ്കിൽ, അതിൽ കുറ്റം പറയാൻ ആവില്ല. ഇവിടെ കുട്ടിക്ക് പ്രതികരിക്കാൻ കഴിയുമായിരുന്നിട്ടും ദീർഘനേരം ആ ചെയ്തിക്ക് അനുവാദം നൽകുന്നു. മറുവശത്ത് ഇരിക്കുന്ന സ്ത്രീയും ഇതേ അവസ്ഥയിലാണ്.
പിന്നെ പ്രായം എന്നത് ശരീരത്തിന്റെ പഴക്കം മാത്രമായി കാണുന്നതാണ് നമ്മുടെ കുഴപ്പം. ശരിക്കും പറഞ്ഞാൽ അയാൾക്ക് ആ സാഹചര്യം നൽകുന്നവരെയാണ് കുറ്റപ്പെടുത്താമെങ്കിൽ പെടുത്തേണ്ടത്. ഇതിൽ ക്രൂരം, മാരകം എന്നീ വാക്കുകൾ വേണ്ട, നീചം ലജ്ജാകരം എന്നൊക്കെ പറഞ്ഞാൽ പോരെ.
പിന്ന വാർത്ത മലപ്പുറത്ത് നിന്നാവുമ്പോൾ കിട്ടുന്ന ഒരു സ്പെഷ്യൽ കിക്കുണ്ടല്ലോ. അത് ഇവിടെ വെറുതെ വേവിക്കേണ്ട. കത്വയിൽ പെൺകുട്ടി അക്രമത്തിനിരയായി കൊല്ലപ്പെട്ടപ്പോൾ സോഷ്യൽ മീഡിയയിൽ സജീവമായി പ്രതികരിച്ച ആളാണ് പീഡകൻ സ്വസമുദായത്തിൽ ഉള്ള ആളാണെന്ന് അറിഞ്ഞപ്പോൾ ഒരു പിഞ്ചു പെൺകുട്ടിക്കെതിരെ പ്രതികരിച്ചത്. ഭാര്യയും മക്കളും ഒക്കെയുള്ള ഒരാളാണ് ഇത്തരത്തിൽ പ്രതികരിച്ചത്.
സംഭവം വിവാദമായതോടെ ഇയാൾ ഫേസ്‌ബുക്ക് പോസ്റ്റ് പിൻവലിച്ചെങ്കിലും ഇയാളുടെ കുറിപ്പിന്റെ സ്‌ക്രീൻ ഷോട്ടുകൾ സോഷ്യൽ മീഡിയയിൽ പാറിപ്പറക്കുന്നു. ഇയാളെ പോലുള്ളവരൊക്കെ സ്വന്തം വീട്ടിലുള്ള കുഞ്ഞുങ്ങൾക്ക് പോലും ഭീഷണിയാണ്. കുഞ്ഞുങ്ങളെ കുറിച്ച് മോശമായി ചിന്തിക്കുന്നവരെ പോലും അറസ്റ്റ് ചെയ്യേണ്ടിയിരിക്കുന്നു.
ഇത്തരം കുറ്റകൃത്യങ്ങൾ ചെയ്തവർക്കെതിരെ ശക്തമായ നടപടി എടുക്കണം. കുഞ്ഞിനെ പീഡിപ്പിച്ച ഇയാളുടെ കൈവെട്ടണം. അതിനെ ന്യായികരിച്ചവനെ ഷണ്ഡീകരിക്കണം. മാത്രമല്ല പരാതി നൽകിയിട്ടും കേസ് എടുക്കാതിരുന്ന പൊലീസുകാരെ സസ്‌പെൻഡ് ചെയ്ത് കടമ നിറവേറ്റുന്ന പരിപാടി അവസാനിപ്പിച്ച് ഈ പൊലീസുകാർക്കും തക്ക ശിക്ഷ നൽകിയേ മതിയാവൂ.
