കൊൽക്കത്തയ്ക്ക് എതിരെ ഡൽഹിക്ക് പതിഞ്ഞ തുടക്കം; അയ്യരും ധവാനും തുടക്കത്തിലേ പുറത്ത്; ഇരു ടീമും ഇറങ്ങിയത് മാറ്റങ്ങളുമായി

ഷാർജ: ഐപിഎല്ലിൽ കൊൽക്കത്ത നൈറ്റ് റൈഡേഴ്സിനെതിരായ മത്സരത്തിൽ ഡൽഹി കാപിറ്റൽസിന് പതിഞ്ഞ തുടക്കം.ഡൽഹി ഒമ്പതോവറിൽ 2 വിക്കറ്റ് നഷ്ടത്തിൽ 59 എന്ന നിലയിലാണ്. 24 റൺസെടുത്ത ശിഖർ ധവാനും 1 റൺസെടുത്ത ശ്രേയസ്സ് അയ്യരുമാണ് പുറത്തായത്.ഫെർഗ്യുസണും നരൈനുമാണ് വിക്കറ്റ്.

ഷാർജയിൽ ടോസ് നേടിയ കൊൽക്കത്ത ക്യാപ്റ്റൻ ഓയിൻ മോർഗൻ ബൗളിങ് തിരഞ്ഞെടുക്കുകയായിരുന്നു.ഒരു മാറ്റവുമായിട്ടാണ് ഡൽഹി ഇറങ്ങിയത്. പരിക്കേറ്റ് പൃഥ്വി ഷായ്ക്ക് പകരം സ്റ്റീവൻ സ്മിത്ത് ടീമിലെത്തി. കൊൽക്കത്ത രണ്ട് മാറ്റം വരുത്തി. പ്രസിദ്ധ് കൃഷ്ണയ്ക്ക് പകരം മലയാളി താരം സന്ദീപ് വാര്യർ ടീമിലെത്തി. പരിക്കേറ്റ് ആന്ദ്രേ റസ്സലിന് പകരം ടിം സൗത്തിയും കളിക്കും.

പോയിന്റ് പട്ടികയിൽ നാലാം സ്ഥാനത്താണ് കൊൽക്കത്ത. 10 മത്സരങ്ങളിൽ എട്ട് പോയിന്റാണ് അവർക്കുള്ളത്. ഡൽഹിക്ക് ഇത്രയും മത്സരങ്ങളിൽ 16 പോയിന്റുണ്ട്. ജയിച്ചാൽ ചെന്നൈയെ മറികടന്ന് ഒന്നാമതെത്താം. ചെന്നൈക്കെതിരെ അവസാനപന്തിൽ തോൽവി വഴങ്ങിയെങ്കിലും മികച്ച നെറ്റ് റൺറേറ്റ് ഉള്ള കൊൽക്കത്ത ലക്ഷ്യമിടുന്നത് അഞ്ചാം ജയം.