ജൂൺ മാസത്തോടെ അയർലന്റ് ജനതയ്ക്ക് ഒരിക്കൽ ആസ്വദിച്ച സ്വാതന്ത്ര്യം വീണ്ടും കൈവരിക്കാനാകുമെന്ന പ്രതീക്ഷയിലാണ്. ഈ ആഴ്ച മുതൽ തങ്ങളുടെ രാജ്യത്തിന് പുറത്ത് യാത്ര ചെയ്യാനും ഹെയർഡ്രെസ്സറിലേക്ക് പോകാനും മതസേവനങ്ങളിൽ പങ്കെടുക്കാനും വീണ്ടും കായിക പരിശീലനം ആരംഭിക്കാനും അനുവദിച്ചിട്ടുണ്ട്. അടുത്ത ആഴ്ച, എല്ലാ ചില്ലറ വിൽപ്പനശാലകളും തുറക്കും.

ഇങ്ങനെ നിയന്ത്രണങ്ങൾ ഓരോന്നായി നീങ്ങുന്നതോടെ റസ്റ്റോറന്റുകളിൽ ഭക്ഷണം കഴിക്കുന്നത് മുതൽ അവസാനം വിദേശത്ത് അവധിക്കാലം നേടുന്നത് വരെ, ജൂൺ മാസത്തിൽ നമുക്ക് പ്രതീക്ഷിക്കാമെന്നാണ് വിലയിരുത്തൽ.അടുത്ത മാസം ഐറിഷ് ഹോസ്പിറ്റാലിറ്റി മേഖല വീണ്ടും തുറക്കുന്നതിനാൽ നമുക്ക് ഇന്റർ.ലകൗണ്ടി യാത്രആസ്വദിക്കാം.

ജൂൺ 2 ന് ഹോട്ടലുകൾ, ബി & ബി, സെൽഫ് കാറ്ററിങ് എന്നിവ വീണ്ടും തുറക്കുകയും അതിഥികൾക്ക് ഒഴിവുസമയ സൗകര്യങ്ങൾ, ഇൻഡോർ ഡൈനിങ്, ബാർ സേവനങ്ങൾ എന്നിവ ഉപയോഗിക്കാനും കഴിയും.ജൂൺ 7 ന്, സുരക്ഷാ നടപടികളോടെ ബാറുകളിലും റെസ്റ്റോറന്റുകളിലും ഔട്ട്ഡോർ സേവനം പുനരാരംഭിക്കും. 6 ആളുകൾ വരെയുള്ള ഗ്രൂപ്പുകളിൽ ഔട്ട്ഡോർ ഡൈനിങ് ആസ്വദിക്കാൻ് കഴിയും. ജൂൺ അവസാനത്തോടെ, ബാറുകൾ, നൈറ്റ്ക്ലബ്ബുകൾ, കാസിനോകൾ എന്നിവ വീണ്ടും തുറക്കുന്നതിനൊപ്പം റെസ്റ്റോറന്റുകളിൽ ഇൻഡോർ ഡൈനിംഗിന്റെ കാര്യവും സർക്കാർ പുനപരിശോധിക്കും.

വിദേശത്ത് അവധിക്കാലം നിശ്ചയിക്കാമെന്ന് നിശ്ചയിച്ചിട്ടില്ലെങ്കിലും, യൂറോപ്യൻ യൂണിയനിൽ യാത്ര ചെയ്യുന്നത് എത്രയും വേഗം ലഭ്യമാക്കുന്നതിനായി യൂറോപ്യൻ കമ്മീഷന്റെ ഹരിത പാസ്പോർട്ട് പദ്ധതിയുടെ ഭാഗമാകാൻ ഐറിഷ് സർക്കാർ ഒരുങ്ങുന്നു. ഒരു പുതിയ ഗ്രീൻ പാസ്പോർട്ട് സ്‌കീം ഉപയോഗിച്ച്, ഐറിഷ് ഹോളിഡേമേക്കർമാർക്ക് വാക്‌സിനേഷൻ നൽകിയിട്ടുണ്ടോ, നെഗറ്റീവ് പരീക്ഷിച്ചിട്ടുണ്ടോ അല്ലെങ്കിൽ കോവിഡ് -19 ൽ നിന്ന് സുഖം പ്രാപിച്ചിട്ടുണ്ടോ എന്ന് രജിസ്റ്റർ ചെയ്യാൻ കഴിയും. ഇതുവഴി യൂറോപ്യൻ രാജ്യങ്ങളിൽ സഞ്ചരിക്കാം.

ജൂൺ 7 മുതൽ മറ്റൊരു വീടുകളിലേക്ക് സന്ദർശനം അനുവദിക്കുന്നതിനാൽ വീടിനകത്ത് ഞങ്ങളുടെ സുഹൃത്തുക്കളെയും കുടുംബങ്ങളെയും കൂട്ടാൻസസ്വാതന്ത്ര്യം ഉണ്ടാകും.പൂർണ്ണമായും വാക്‌സിനേഷൻ എടുത്തിട്ടുള്ളവർക്ക് മാസ്‌കുകളും ശാരീരിക അകലവും ഇല്ലാതെ വാക്‌സിനേഷൻ എടുക്കുന്ന മറ്റുള്ളവരുമായി കൂടിക്കാഴ്ച നടത്താം.ഇപ്പോൾ, 6 അതിഥികൾക്ക് ഇൻഡോർ വിവാഹ സൽക്കാരത്തിൽ പങ്കെടുക്കാം. ജൂൺ 7 ന് ഇത് 25 ആയി ഉയരും

ഇത് കാടാതെ ഹോട്ടൽ ക്വാറന്റെയ്ൻ് ക്രമീകരണവും യാത്രാ നിയന്ത്രണങ്ങൾ ലഘൂകരിക്കാനുള്ള നീക്കങ്ങളും അടുത്തയാഴ്ച സർക്കാർ പരിഗണിക്കുമെന്ന് ഗതാഗത വകുപ്പ് സൂചിപ്പിച്ചു.വാക്‌സിനേഷൻ എടുക്കുന്നവരുടെ യാത്രാ നിയന്ത്രണങ്ങൾ നീക്കുന്നതടക്കമുള്ള, പദ്ധതികൾ ആണ് അടുത്തയാഴ്ച സർക്കാരിലേക്ക് കൊണ്ടുവരക. ഇയു ഡിജിറ്റൽ ഗ്രീൻ സർട്ടിഫിക്കറ്റ് നടപ്പിലാക്കുന്ന കാര്യവും പരിഗണിച്ചേക്കും.

 

അയർലന്റ്