വെക്‌സ്‌ഫോർഡ് : വെക്‌സ്‌ഫോർഡ് സെന്റ്. അൽഫോൻസ സീറോ മലബാർ ചർച്ചിന്റെ ഈ വർഷത്തെ ക്രിസ്തുമസ് കുർബാനയും ആഘോഷവും ഡിസംബർ 25 ക്രിസ്തുമസ് ദിനത്തിൽ നടക്കും.

ഡിസംബർ 25 തിങ്കളാഴ്ച രാവിലെ 8:45 ന് വെക്‌സ്‌ഫോർഡ് ഫ്രാൻസീസ്‌കൻ ഫെയറി ദേവാലയത്തിൽ ക്രിസ്തുമസ് കുർബാന നടക്കും. 10:30 ന് ബാറൺടൗൺ കമ്യൂണിറ്റി ഹാളിൽ കാറ്റിക്കിസം കുട്ടികളും അദ്ധ്യാപകരും, ചർച്ച് ക്വയർ അംഗങ്ങളും മറ്റും പങ്കെടുക്കുന്ന ക്രിസ്തുമസ് കരോൾ നടക്കും.. തുടർന്ന് ക്രിസ്തുമസ് ഡിന്നറോടെ പരിപാടികൾ സമാപിക്കും. ഏവരേയും ക്രിസ്തുമസ് പ്രോഗ്രാമിലേയ്ക്ക് സ്വാഗതം ചെയ്യുന്നതായി ഫാ. റോയ് വട്ടക്കാട്ടും, കമ്മറ്റിയും അറിയിച്ചു.

ക്രിസ്തുമസിന് മുന്നോടിയായിയുള്ള കുമ്പസാരം ഡിസംബർ 23 ശനിയാഴ്ച വൈകിട്ട് മൂന്നുമണി മുതൽ 6 വരെ ഫെയറി ദേവാലയത്തിൽ വച്ച് നടത്തപ്പെടും. മലയാളത്തിൽ കുമ്പസാരിക്കാനുള്ള അവസരം ഉണ്ടായിരിക്കും.