അയർലണ്ട് മലയാളികളുടെ നിത്യജീവിതത്തിന്റെ ഏടുകളിൽ നടക്കുന്ന സംഭവങ്ങളും മറ്റും കോർത്തിണക്കികൊണ്ട് ഡ്രീം ആൻഡ് പാഷൻ ഫിലിംസ് പുറത്തിറക്കുന്ന ' ജോണിക്കുട്ടിയുടെ ഐറിഷ് ഫാമിലി ' റിലീസ് ചെയ്തു.
യൂറോപ്പിൽ താമസിക്കുന്ന ചില മലയാളികളുടെ വീടുകളിൽ നടന്നിട്ടുള്ളതും എന്നാൽ അഭിമാന പ്രശ്‌നം കാരണം പുറത്തു പറയാൻ സാധിക്കാത്തതും ചില കുടുംബങ്ങളെ വളരെ അധികം മാനസിക വ്യഥയിലാക്കിയിട്ടുള്ളതുമായ സങ്കിർണ്ണമായ ഒരു വിഷയത്തെ വളരെ ലാളിത്യത്തോടെയാണ് സംവിധായകൻ ബിപിൻ മേലേക്കുറ്റ് അവതരിപ്പിച്ചിരിക്കുന്നത്.
ഈ സീരിസിന്റെ പിന്നണിയിൽ മലയാള സിനിമയിൽ നിന്നുള്ളവരും സഹകരിക്കുന്നു എന്നുള്ളത് ശ്രദ്ധയമാണ് . ഇന്ദ്രൻസിന്റെ ചിത്രം വാമനന്റെ സംഗീത സംവിധായകനായ നിധിൻ ജോർജ്ജ് ആണ് ഗാനം ആലപിച്ചിരിക്കുന്നതും ബിജിഎം കൊടുത്തിരിക്കുന്നത് , അതോടൊപ്പം വെബ് സീരീസ്, നിരവധി ആൽബങ്ങൾ എന്നിവക്കെല്ലാം ഗാനരചന, സംഗീതം നൽകിയിട്ടുള്ള യാസിർ പരത്തക്കാടാണ് ഗാന രചനയും സംഗീതവും നൽകിയിരിക്കുന്നത്.
നിർമ്മാണം:നിഷ ബിപിൻ , കാമറ-എഡിറ്റിങ് : ജോയ്സൺ , അസോസിയേറ്റ് കാമറ : അശ്വിൻ.
അവതാരകനും , തീയേറ്റർ നാടകങ്ങൾ, ഷോർട് ഫിലിമുകൾ എന്നിവയിലൂടെ ശ്രദ്ധ നേടിയ പ്രിൻസ് ജോസഫ് അങ്കമാലി ആണ് ജോണിക്കുട്ടി ആയി വേഷമിടുന്നത് . കൂടാതെ ഫേബ പോൾ , അലീന ജിജോ, റെജി വർഗ്ഗിസ് , എൽദോ ജോൺ, ജോയൽ ബിപിൻ, ദിയ പ്രിൻസ് എന്നിവരും അഭിനയിക്കുന്നു .
യൂട്യൂബ് ലിങ്കിന് ഇവിടെ ക്ലിക്ക് ചെയ്യുക :-
