തൃശ്ശൂർ: 11 സംസ്ഥാനങ്ങളിലായി 10 ലക്ഷം പേരിലെത്തുന്ന ദേശവ്യാപക കോവിഡ് വാക്സിനേഷൻ ബോധവൽക്കരണ പദ്ധതിയായ 'സുരക്ഷ 21' ന് ഇസാഫ് തുടക്കമിട്ടു. പദ്ധതിയുടെ ഉദ്ഘാടനം പാലക്കാട് ജില്ലയിലെ കിഴക്കഞ്ചേരി പ്രാഥമിക ആരോഗ്യ കേന്ദ്രത്തിൽ ഗ്രാമ പഞ്ചായത്ത് പ്രസിഡന്റ് കവിത മാധവൻ നിർവ്വഹിച്ചു. 'പോരാടുക, നേരിടുക, തോൽപ്പിക്കുക' എന്ന മുദ്രാവാക്യവുമായി നടത്തുന്ന കോവിഡ് സുരക്ഷാ ബോധവൽക്കരണ പരിപാടിയുടെ ഭാഗമായി വിവിധ പ്രാദേശിക ഭാഷകളിലുള്ള ബോധവൽക്കരണ ലഘുലേഖകളും പോസ്റ്ററുകളും വിതരണം ചെയ്യും. ആരോഗ്യ വകുപ്പും തദ്ദേശ സ്വയംഭരണ സ്ഥാപനങ്ങളും നടപ്പിലാക്കിക്കൊണ്ടിരിക്കുന്ന കോവിഡ് വാക്സിനേഷൻ ക്യാമ്പുകളിലും ഇസാഫ് സഹകരിക്കും.

ഇസാഫ് സഹ സ്ഥാപകനും ഡയറക്ടറുമായ ഡോ. ജേക്കബ് സാമുവൽ, കിഴക്കഞ്ചേരി കുടുംബാരോഗ്യ കേന്ദ്രം ചീഫ് മെഡിക്കൽ ഓഫീസർ ഡോ. ഷീന സ്റ്റാർലിൻ, ഹെൽത്ത് ഇൻസ്പെക്ടർ കെ.ജി.എസ്. ലോബോ, ഇസാഫ് ബാങ്ക് സസ്‌റ്റൈനബിൾ ബാങ്കിങ് ഹെഡ് റെജി കെ. ഡാനിയേൽ, പാലക്കാട് ക്ലസ്റ്റർ ഹെഡ് ജോമി ടി.ഒ. എന്നിവരും ചടങ്ങിൽ പങ്കെടുത്തു.

 

ഇസാഫ്