നെടുമുടി വേണുവിന്റെ വേർപാട് ചലച്ചിത്ര ലോകത്തിനു നികത്താനാവാത്ത നഷ്ടം : ഇന്ത്യൻ സോഷ്യൽ ഫോറം

മനാമ :ചലച്ചിത്ര അഭിനയ ജീവിതത്തിൽ 500 ൽ പരം സിനിമകളിൽ വ്യത്യസ്തമായ കഥാപാത്രങ്ങളിലൂടെ വക്തിമുദ്ര പതിപ്പിച്ച അതോടൊപ്പം പ്രേക്ഷക മനസുകളിൽ നടനായും വില്ലനായുംസ്വഭാവ നടനായും പ്രതിഭ തെളിയിച്ച നടനായിരുന്നു നെടുമുടി വേണു എന്ന കലാകാരൻ. അഭിനയ ജീവിതത്തോടൊപ്പം തിരക്കഥകൃത് , സംവിധായകൻ ഗായകൻ എന്നീ മേഖലകളിലും തന്റേതായ വ്യക്തി മുദ്ര അദ്ദേഹം പതിപ്പിച്ചിരുന്നു.

രണ്ടു തവണ ദേശിയ ചലച്ചിത്ര പുരസ്‌കാരവും , മൂന്നു തവണ മികച്ച നടനുള്ള സംസ്ഥാന പുരസ്‌കാരവും സ്വന്തമാക്കിയ അദ്ദേഹത്തിന്റെ വിയോഗത്തിൽ ചലച്ചിത്ര മേഖലയിലെ സഹപ്രവർത്തകരുടെയും കുടുംബത്തിന്റെ ദുഃഖത്തിൽ പങ്ക് ചേരുന്നതായി ഇന്ത്യൻ സോഷ്യൽ ഫോറം അനുശോചന സന്ദേശത്തിൽ പറഞ്ഞു