ന്യൂഡൽഹി: ഐ.എസ്‌ഐ. പരിശീലനം ലഭിച്ചെന്ന് സംശയിക്കുന്നവരും ഭീകരവിരുദ്ധ റെയ്ഡിനിടെ ഡൽഹി പൊലീസ് അറസ്റ്റ് ചെയ്യുകയും ചെയ്ത രണ്ട് ഭീകരിൽ ഒരാൾക്ക് ഡി കമ്പനി ബന്ധം. പിടിയിലായ ജാൻ മുഹമ്മദ് ഷേക്കിന് ദാവൂദ് ഇബ്രാഹിമിന്റെ ഡി കമ്പനിയുമായി ഇരുപതുവർഷത്തോളമായി ബന്ധമുണ്ടെന്നാണ് മഹാരാഷ്ട്ര ഭീകരവിരുദ്ധ സ്‌ക്വാഡ് കണ്ടെത്തിയിട്ടുള്ളത്.

ഒസാമ(22), സീഷാൻ ക്വമർ(28) എന്നിവർക്ക് പാക്കിസ്ഥാനിൽവെച്ച് ലഭിച്ച പരിശീലനത്തെ കുറിച്ചുള്ള വിശദാംശങ്ങളാണ് ഇപ്പോൾ പുറത്തു വരുന്നത്. ഇന്ത്യയിലെ ഭീകരവാദത്തിന് ഇപ്പോഴും ദാവൂദ് ഇബ്രാഹിം മുന്നിലുണ്ടെന്ന് വ്യക്തമാക്കുന്നതാണ് പുറത്തു വരുന്ന വിവരങ്ങൾ. പാക്കിസ്ഥാനിൽ തീവ്രവാദികളെ എത്തിച്ച് നൽകുന്നത് വിശദപരിശീലനമാണ്. കഴിഞ്ഞമാസമാണ് ഡൽഹി പൊലീസ് റെയ്ഡിനിടെ ഇവരെ പിടികൂടിയത്.

ആയുധങ്ങളും സ്ഫോടക വസ്തുക്കളും ഉപയോഗിക്കുന്നതുമായി ബന്ധപ്പെട്ട് 5 ദിവസം നീണ്ടുനിന്ന 'തിയറി- പ്രാക്ടിക്കൽ' പരിശീലനം അറസ്റ്റിലായ രണ്ടു പേർക്കും ലഭിച്ചിരുന്നെന്ന് ഇന്റലിജൻസ് വൃത്തങ്ങൾ പറയുന്നു. പരിശീലനത്തിന്റെ അവസാനദിനം ഇവർക്ക് യാത്രയയപ്പും നൽകിയിരുന്നു.ലഖ്നൗവിൽനിന്ന് ഒമാൻ വഴി ഇറാനിലേക്കു പോയ ഒസാമയും സീഷാനും അവിടെനിന്നാണ് പാക്കിസ്ഥാനിലെത്തിയത്. പാക്മണ്ണിൽനിന്ന് പരിശീലനം ലഭിച്ചശേഷം ഇവർ ഇതേവഴി മടങ്ങിയെത്തി.

യാത്രയ്ക്ക് സ്പീഡ് ബോട്ടുകളാണ് ഉപയോഗിച്ചത്. കറാച്ചിയിലെ ഒരു ഫാംഹൗസിലായിരുന്നു പരിശീലനം. അത്യുഗ്രശേഷിയുള്ള സ്ഫോടകവസ്തുക്കൾ നിർമ്മിക്കാനും കൈകാര്യം ചെയ്യാനും ഇവർക്ക് പരിശീലനം ലഭിച്ചു. വാണിജ്യസമുച്ചയത്തിന് തീവെച്ച ശേഷം തെളിവുകൾ അവശേഷിപ്പിക്കാതെ എങ്ങനെ രക്ഷപ്പെടണം, എ.കെ.56 എങ്ങനെ ഉപയോഗിക്കണം തുടങ്ങിയ പരിശീലനവും ഇവർക്ക് ലഭിച്ചു. വലിയ ആക്രമണം ഇന്ത്യയിൽ ഐ എസ് ഐ പദ്ധതി ഇടുന്നുണ്ട്.

ജാൻ മുഹമ്മദ് ഷേക്ക്(47), മൂൽചന്ദ്(47), മുഹമ്മദ് അബൂബക്കർ(23), മുഹമ്മദ് അമീർ ജാവേദ്(31) എന്നിവർക്കൊപ്പം സെപ്റ്റംബർ 14-നാണ് ഒസാമയും സീഷാനും പിടിയിലാകുന്നത്. ഡൽഹിയിലും ഉത്തർ പ്രദേശിന്റെ വിവിധഭാഗങ്ങളിലും നടത്തിയ റെയ്ഡിനു പിന്നാലെ ആയിരുന്നു ഇത്. ഡൽഹി, ഉത്തർ പ്രദേശ്, മഹാരാഷ്ട്ര തുടങ്ങിയിടങ്ങളിൽ ഗണേശ ചതുർഥി, നവരാത്രി തുടങ്ങിയ ഉത്സവവേളകളിൽ ആക്രമണമായിരുന്നു ലക്ഷ്യം.

റെയിൽവെ ട്രാക്കുകളും പാലങ്ങളും ബോംബ് വച്ച് തകർക്കാൻ ഇവർക്ക് പരിശീലനം ലഭിച്ചിരുന്നു. ആൾക്കൂട്ടങ്ങൾക്കിടയിലും ആക്രമണം നടത്താൻ പദ്ധതിയിട്ടു. പല ദിക്കിൽ നിന്നുള്ളവർ ഏതെങ്കിലും സ്ഥലത്ത് കണ്ടുമുട്ടി ഒന്നിച്ചാണ് ആക്രമണത്തിനുള്ള സ്ഥലങ്ങളും മറ്റും നിരീക്ഷിക്കാൻ പോയിരുന്നത്. മുംബയിൽ അടക്കം രഹസ്യമായി പ്രവർത്തിക്കുന്ന ഭീകര സെല്ലുകളുമായി പിടിയിലായവർക്ക് ബന്ധമുണ്ടെന്നും വ്യക്തമായി.

ലക്‌നൗവിൽ നിന്ന് ഒമാൻ തലസ്ഥാനമായ മസ്‌കറ്റിലേക്ക് അവർ 2021 ഏപ്രിൽ 21 ന് സലാം എയർ ഫ്‌ളൈറ്റിൽ പുറപ്പെട്ടു. ബംഗ്ലാ ഭാഷ സംസാരിക്കുന്ന ഒരു ക്യാബ് ഡ്രൈവർ ഇവരെ ബോഷറിലെ ഒരു ഹോട്ടലിലേക്ക് കൊണ്ടുപോയി ഹോട്ടൽ മാനേജർക്ക് പരിചയപ്പെടുത്തി . ഒരു പാക്കിസ്ഥാൻ പൗരനുമായി ഒസാമ ഹോട്ടലിൽ സംസാരിച്ചതായും വിവരങ്ങളുണ്ട് . ഒമാൻ സർക്കാർ നിയമപ്രകാരം കൊറോണ നിർബന്ധിത ക്വാറന്റൈൻ പൂർത്തിയാക്കാൻ ഇരുവരും ഹോട്ടലിൽ ഏഴ് ദിവസം താമസിച്ചു.

ക്വാറന്റൈൻ കാലയളവ് പൂർത്തിയായതിന് ശേഷം, അവരെ അൽ-ഖദ്രയിലേക്ക് കൊണ്ടുപോയി, അവിടെ ഒരു ബംഗ്ലാദേശ് പൗരൻ അവരെ സ്വീകരിച്ചു . മറ്റൊരു വീട്ടിലേക്ക് കൊണ്ടുപോയി, അവിടെ 15 ഓളം അനധികൃത ബംഗ്ലാദേശി കുടിയേറ്റക്കാർ ഉണ്ടായിരുന്നു .നാല് ദിവസത്തിന് ശേഷം അവരെ സോഹാർ തീരത്തേക്ക് കൊണ്ടുപോയി, അവിടെ നിന്ന് അവർ ഇറാനിലെ ബന്ദർ-ഇ-ജാസ്‌കിൽ പോകാനായി സ്പീഡ് ബോട്ടിൽ കയറി. തുറന്ന ബോട്ടിൽ അഞ്ച് മണിക്കൂർ നീണ്ട യാത്ര . ലക്ഷ്യസ്ഥാനത്ത് എത്തിയപ്പോൾ, ഇറാനി പൗരൻ അവരെ കൂട്ടി കൊണ്ടുപോയി, അവിടെ നിന്ന് അവർ ചബഹാർ തുറമുഖത്തേക്ക് യാത്ര തുടർന്നു.

രണ്ട് ദിവസങ്ങൾക്ക് ശേഷം അവർ പാക്കിസ്ഥാനിലെ ജിയോണി തീരത്തേയ്ക്ക് വരാൻ യാത്ര തുടങ്ങി . അവിടെ നിന്ന് അവർ കറാച്ചിയിലെ ഒരു ഫാം ഹൗസിൽ എത്തിയതായും ഇന്റലിജൻസ് വൃത്തങ്ങൾ പറയുന്നു.

ഡി കമ്പനി

മറുനാടന്‍ മലയാളി

    മറുനാടന്‍ മലയാളി ബ്യൂറോ