കുവൈത്ത് : ഇന്ത്യൻ ഇസ്‌ലാഹി സെന്റർ കേന്ദ്ര വിദ്യാഭ്യാസ വകുപ്പിന്റെ കീഴിൽ പുതുതായി സാൽമിയയിൽ ആരംഭിക്കുന്ന ഇസ്‌ലാഹി മദ്രസ്സയുടെ ഉദ്ഘാടനവും പ്രവേശനോത്സവവും അഞ്ചിന് ശനിയാഴ്ച രാവിലെ എട്ടിന് സാൽമിയ പാർക്കിന് സമീപത്തെ ഇഗ്‌നോ സെന്ററിൽ നടക്കും.

കേരളത്തിലെ മത രംഗത്ത് ഏറ്റവും നൂതനമായ മദ്രസ്സ സിലബസ്സായ കൗൺസിൽ ഫോർ ഇസ്‌ലാമിക് എജ്യുക്കേഷൻ ആൻഡ് റിസർച്ച് (സിഐഇ.ആർ) തയ്യാറാക്കിയ  പാഠഭാഗ പ്രകാരമാണ് ക്ലാസ്. പരിശുദ്ധ ഖുർആൻ, തജ്‌വീദ്, ഹിഫ്‌ള്, ചരിത്രം, കർമ്മം, സ്വഭാവം, വിശ്വാസം, പ്രാർത്ഥനകൾ, അറബിക്, മലയാളം എന്നിവയ്ക്ക് പ്രാധാന്യം നൽകിയുള്ള സിലബസാണ്. കലാകായിക, വിനോദ, വ്യക്തിത്വ വികസന പരിപാടികളും നാട്ടിലും ഇതേ സിലബസിൽ തുടർപഠനത്തിന് അവസരവും ഉണ്ടായിരിക്കും. ക്ലാസുകൾ എല്ലാ ശനിയാഴ്ചകളിലും രാവിലെ 8 മണിക്കാണ്. വിശദ വിവരങ്ങൾക്ക് 65829673, 55690937, 66393786.

അബ്ബാസിയ, ഫഹാഹീൽ എന്നിവിടങ്ങളിലും ഇസ്‌ലാഹി മദ്രസ്സ പ്രവർത്തിച്ചു വരുന്നുണ്ട്. കുവൈത്തിലെ എല്ലാ ഏരിയകളിൽ നിന്നും വാഹന സൗകര്യവും ലഭ്യമാണ്.