പാരീസ്: സ്ലാട്ടൻ ഇബ്രാഹിമോവിച്ച് എന്ന സൂപ്പർ താരം നിറം മങ്ങിയപ്പോൾ സ്വീഡനെ തകർത്ത് ഇറ്റലി യൂറോ കപ്പിന്റെ പ്രീ ക്വാർട്ടറിൽ. ഏകപക്ഷീയമായ ഒരു ഗോളിനാണ് ഇറ്റലിയുടെ ജയം.

സമനിലയിൽ അവസാനിക്കുമെന്നു തോന്നിച്ച ഘട്ടത്തിൽ 88-ാം മിനിറ്റിലായിരുന്നു ഇറ്റലിയുടെ വിജയഗോൾ. സിറ്റാഡിൻ ഈഡറാണു സ്വീഡന്റെ വല കുലുക്കി സമനിലപ്പൂട്ടു പൊട്ടിച്ചത്.

മൂന്നു പ്രതിരോധനിരക്കാരെ കടന്നാണ് ഈഡർ ഗോളിലേക്കെത്തിയത്. നിർണായക മത്സരത്തിൽ സ്ലാട്ടൻ ഇബ്രാഹിമോവിച്ച് ഫോമിലേക്ക് ഉയരാത്തത് സ്വീഡന്റെ പ്രകടനത്തെ ബാധിച്ചു.