ഇറ്റലി കോവിഡ് -19 കേസുകളും ആശുപത്രിയിൽ പ്രവേശിപ്പിക്കലും കുറയുന്നതോടെ മാസ്‌ക് ഉപയോഗം അടക്കമുള്ള നിയന്ത്രണങ്ങളിൽ ഇളവ് വരുന്നു.ജൂൺ 28 മുതൽ ഇളവുകൾ നിലവിൽ വരും.കഴിഞ്ഞ വർഷം ഒക്ടോബറിൽ രാജ്യം പകർച്ചവ്യാധിയുടെ രണ്ടാം തരംഗത്തിലേക്ക് കടന്നപ്പോൾ ഏർപ്പെടുത്തിയ കർശന നിയന്ത്രണങ്ങൾ രാജ്യത്ത് ഓരോന്നായി നീക്കം ചെയ്ത് വരുകയാണ്. ഇതിന്റെ ഭാഗമായാണ് മാസ്‌കും നീക്കം ചെയ്യുന്നത്.

ഏപ്രിൽ മുതൽ നിയന്ത്രണങ്ങൾ ക്രമാനുഗതമായി നീക്കം ചെയ്തു. റെസ്റ്റോറന്റുകൾ, ബാറുകൾ, സിനിമാശാലകൾ, ജിമ്മുകൾ തുടങ്ങിയ പ്രവർത്തനങ്ങൾ ആരംഭിക്കുകയും രാജ്യമെമ്പാടും സഞ്ചാര സ്വാതന്ത്ര്യം അനുവദിക്കുകയും ചെയ്തിരുന്നു.

മാസ്‌ക് ധരിക്കുന്നത് അവസാനമായി നിലനിൽക്കുന്ന നിയമങ്ങളിലൊന്നാണ്, ഇത് ഇൻഡോർ പൊതുസ്ഥലങ്ങളിൽ ഇപ്പോഴും ആവശ്യമാണ്. അടുത്ത തിങ്കളാഴ്ച മുതൽ രാജ്യം മുഴുവൻ കോവിഡ് -19 വൈറ്റ് സോൺ ആയിരിക്കുമ്പോൾ മാസ്‌കും നീക്കാനാണ് തീരുമാനം. നിലവിൽ 20 പ്രദേശങ്ങളിൽ 19 എണ്ണവും നിലവിൽ വൈറ്റ് സോണിലാണ്.

എന്നാൽ മാസ്‌ക് കൈയിൽ കരുതുകയും ൾക്കൂട്ടമുണ്ടെങ്കിൽ അത് ധരിക്കാൻ തയ്യാറാകുകയും വേണം. യൂറോപ്പിൽ ആശങ്കകൾ നിലനിൽക്കുന്നുണ്ടെങ്കിലും മറ്റ് യൂറോപ്യൻ രാജ്യങ്ങളായ ഫ്രാൻസ്, സ്‌പെയിൻ എന്നിവിടങ്ങളിലും സമാനമായ തീരുമാനങ്ങളെ തുടർന്നാണ് പ്രഖ്യാപനം.

 

ഇറ്റലി കോവിഡ് -