മനാമ :ഇന്ത്യൻ യൂത്ത് കൾച്ചറൽ കൊണ്‌ഗ്രെസ്സ് ദേശീയ കമ്മറ്റിയുടെ അഭിമുഖ്യത്തിൽ 9 മത് രക്തദാന ക്യാമ്പ് സംഘടിപ്പിച്ചു .ഇന്ദിര പ്രിയദർശനി രക്തദാന സേനയുടെ കീഴിൽ നടത്തിയ ക്യാമ്പിൽ നൂറോളം ആളുകൾ പങ്കെടുത്ത ക്യാമ്പ് സൽമാനിയ മെഡിക്കൽ കോമ്പ്‌ലെക്‌സിലാണ് സംഘടിപ്പിച്ചത്.

വെള്ളിയാഴ്ച രാവിലെ എട്ട് മണിക്ക് ആരംഭിച്ച് ഉച്ചക്ക് പന്ത്രണ്ടോടെ ക്യാമ്പ് അവസാനിച്ചു .ഐ എൻ റ്റി യു സി സംസ്ഥാന വൈസ് പ്രസിഡന്റ് കൈതവനത്തറ ശങ്കരൻ കുട്ടി ഉത്ഘാടനം ചെയ്തു.യൂത്തുകൊണ്‌ഗ്രെസ്സ് മുൻ സംസ്ഥാന വൈസ് പ്രസിഡന്റും,കെ പി സി സി എക്‌സിക്യൂട്ടീവ് അംഗവുമായ ആർ അരുൺരാജ് മുഖ്യ അതിഥി ആയിരുന്നു.യൂത്തുകൊണ്‌ഗ്രെസ്സ് സംസ്ഥാന നേതൃത്വം ഒരു വര്ഷം സംഘടിപ്പിക്കുന്നതിനേക്കാൾ കൂടുതൽ പരിപാടികൾ ഐ വൈ സി സി സംഘടിപ്പിക്കുന്നുണ്ടെന്നും ,ഐ വൈ സി സി യുടെ പ്രവർത്തനം യൂത്ത് കോൺഗ്രസിന് മാതൃകയാക്കുവാൻ സാധിക്കുന്നത് ആണെന്ന് അദ്ദേഹം അഭിപ്രായപ്പെട്ടു.

ബേസിൽ നെല്ലിമറ്റം അധ്യക്ഷനായ യോഗത്തിൽ പ്രോഗ്രാം കൺവീനർ ജിജോമോൻ മാത്യു ,വൈസ് പ്രസിഡന്റ്മാരായ,ദിലീപ് ബാലകൃഷ്ണൻ , റിച്ചി കളത്തുരുത്ത് ,ജോയിന്റ് ട്രഷർ സന്തോഷ് കായംകുളം എന്നിവർ ക്യാമ്പിന് നേതൃത്വം നൽകി .മഹാത്മാ ഗാന്ധി കൾച്ചറൽ ഫോറം പ്രസിഡന്റ് ശ്രീ രാജിലാൽ തമ്പാൻ ആശംസകൾ അർപ്പിച്ച് സംസാരിച്ചു .ദേശീയ കമ്മറ്റി ട്രഷർ ശ്രീ ഹരിഭാസ്‌കർ എത്തിച്ചേർന്ന എല്ലാവർക്കും നന്ദി അറിയിച്ചു .സാമൂഹിക പ്രവർത്തകരായ ബഷീർ അമ്പലായി ,സിയാദ് ഏഴംകുളം ,നിസാർ കൊല്ലം ,അനിൽ കുമാർ യു കെ ,തോമസ് സൈമൺ സനൽ കുമാർ എന്നിവർ ക്യാമ്പ് സന്ദർശിച്ചു .