ഐവൈസിസി ഹമദ് ടൗൺ ഏരിയ കമ്മിറ്റിയുടെ ആഭിമുഖ്യത്തിൽ ഹമദ് ടൗൺ യൂറോപ്യൻ കോന്റ്രാക്ടിങ് കമ്പനി അക്കോമഡേഷനിൽ അൽ അമൽ ആശുപത്രിയുമായി സഹകരിച്ച് സൗജന്യ മെഡിക്കൽ ക്യാമ്പ് സംഘടിപ്പിച്ചു, ഐവൈസിസി യുടെ 24 മത് മെഡിക്കൽ ക്യാമ്പായിരുന്നു അത്,ഐ സി ആർ എഫ് പ്രസിഡന്റ് അരുൾദാസ് തോമസ് ഉദ്ഘാടനം ചെയ്തു.

ഏരിയ കമ്മിറ്റി മൂസ കോട്ടക്കൽ അധ്യക്ഷനായിരുന്നു, ഐ സി ആർ എഫ് സെക്രട്ടറി സുധീർ തിരുനിലത്ത്,ഐവൈസിസി പ്രസിഡന്റ് ബേസിൽ നെല്ലിമറ്റം, സെക്രട്ടറി ഫാസിൽ വട്ടോളി, ട്രഷറർ ഹരി ഭാസ്‌കരൻ, അൽ അമൽ ആശുപത്രി പ്രതിനിധി ഡോ:ഖാലിദ്,ഫൈസൽ എന്നി എന്നിവർ ആശംസകൾ അർപ്പിച്ചു,ഷഹീർ വരവൂർ നന്ദി പറഞ്ഞു. തലശ്ശേരി ലൈവ് ചാരിറ്റി ടീമുമായി സഹകരിച്ച് ക്യാമ്പിൽ പങ്കെടുത്ത തൊഴിലാളികൾക്ക് സ്‌നേഹവിരുന്നും ഉണ്ടായിരുന്നു.