റിയോ ഒളിമ്പിക്‌സിൽ മലയാളി സാന്നിദ്ധ്യമുറപ്പിച്ച് ജേക്കബ് മാളിയേക്കൽ
ഈസ്റ്റ് ലണ്ടൻ: ദക്ഷിണാഫ്രിക്കയെ പ്രതിനിധീകരിച്ച്, ലോക സിംഗിൾസ് ബാഡ്മിന്റൺ കളിക്കാരിൽ എഴുപത്തിയെട്ടാം റാങ്കിങ് നേടി ഇക്കഴിഞ്ഞ മെയ്‌ അഞ്ചിന് റിയോ ഒളിമ്പിക്‌സിലേക്കുള്ള പ്രവേശനം ജേക്കബ് മാളിയേക്കൽ ഉറപ്പിച്ചു കഴിഞ്ഞതായി സൗത്ത് ആഫ്രിക്കൻ സ്പോർട്സ് കോൺഫെഡറേഷൻ ആൻഡ് ഒളിമ്പിക്‌സ് കമ്മിറ്റി റിപ്പോർട്ട് ചെയ്തു. നിശ്ചിത സമയമായ മെയ്‌ അഞ്ചിനുള്ളിൽ ലോകറാങ്കിംഗിൽ ആദ്യത്തെ 100 റാങ്കിനുള്ളിൽ കടക്കാൻ കഴിഞ്ഞെങ്കിൽ മാത്രമെ ഒളിമ്പിക്‌സിൽ പ്രവേശന യോഗ്യത നേടുകയുള്ളൂവെന്ന കടമ്പയാണ് ജേക്കബ് മെയ്‌ അഞ്ചിന് നേടിയത്. ആഫ്രിക്കൻ ഭൂഖണ്ഡത്തിലെ ഒന്നാം നമ്പർ താരമായ ജേക്കബ് മാളിയേക്കൽ, ഈസ്റ്റ് ലണ്ടനിൽ താമസിക്കുന്ന പാലാ സ്വദേശികളായ ആന്റണി മാളിയേക്കലിന്റെയും ആനി മാളിയേക്കലിന്റെയും ഏക പുത്രനാണ്. ''കഠിനമായ പ്രയത്‌നത്തിന്റെയും ക്ഷമയുടെയും സഹിഷ്ണുതയുടെയും നിശ്ചയദാർഢൃരത്തിന്റെയും വിയർപ്പും രക്തവും കണ്ണുനീരും ചിലവഴിച്ചാണ് ഞാനിവിടെവരെയെത്തിയത്. തിരിഞ്ഞു നോക്കുമ്പോൾ നേടിയ പരിശ്രമഫലത്തിൽ വളരെയേറെ സന്തോഷമുണ്ട്. ജനുവരി മുതൽ മാർച്ച് വരെ
ഈസ്റ്റ് ലണ്ടൻ: ദക്ഷിണാഫ്രിക്കയെ പ്രതിനിധീകരിച്ച്, ലോക സിംഗിൾസ് ബാഡ്മിന്റൺ കളിക്കാരിൽ എഴുപത്തിയെട്ടാം റാങ്കിങ് നേടി ഇക്കഴിഞ്ഞ മെയ്‌ അഞ്ചിന് റിയോ ഒളിമ്പിക്‌സിലേക്കുള്ള പ്രവേശനം ജേക്കബ് മാളിയേക്കൽ ഉറപ്പിച്ചു കഴിഞ്ഞതായി സൗത്ത് ആഫ്രിക്കൻ സ്പോർട്സ് കോൺഫെഡറേഷൻ ആൻഡ് ഒളിമ്പിക്‌സ് കമ്മിറ്റി റിപ്പോർട്ട് ചെയ്തു. നിശ്ചിത സമയമായ മെയ്‌ അഞ്ചിനുള്ളിൽ ലോകറാങ്കിംഗിൽ ആദ്യത്തെ 100 റാങ്കിനുള്ളിൽ കടക്കാൻ കഴിഞ്ഞെങ്കിൽ മാത്രമെ ഒളിമ്പിക്‌സിൽ പ്രവേശന യോഗ്യത നേടുകയുള്ളൂവെന്ന കടമ്പയാണ് ജേക്കബ് മെയ്‌ അഞ്ചിന് നേടിയത്.
ആഫ്രിക്കൻ ഭൂഖണ്ഡത്തിലെ ഒന്നാം നമ്പർ താരമായ ജേക്കബ് മാളിയേക്കൽ, ഈസ്റ്റ് ലണ്ടനിൽ താമസിക്കുന്ന പാലാ സ്വദേശികളായ ആന്റണി മാളിയേക്കലിന്റെയും ആനി മാളിയേക്കലിന്റെയും ഏക പുത്രനാണ്. ''കഠിനമായ പ്രയത്‌നത്തിന്റെയും ക്ഷമയുടെയും സഹിഷ്ണുതയുടെയും നിശ്ചയദാർഢൃരത്തിന്റെയും വിയർപ്പും രക്തവും കണ്ണുനീരും ചിലവഴിച്ചാണ് ഞാനിവിടെവരെയെത്തിയത്. തിരിഞ്ഞു നോക്കുമ്പോൾ നേടിയ പരിശ്രമഫലത്തിൽ വളരെയേറെ സന്തോഷമുണ്ട്. ജനുവരി മുതൽ മാർച്ച് വരെ നടന്ന മത്സരങ്ങൾ വാശിയേറിയതും അത്യന്തം ഉദ്വോഗജനകവുമായിരുന്നു. യൂറോപ്പിൽ എന്റെ മലേഷ്യൻ കോച്ചുമായി നടത്തിയ ഒരുക്കങ്ങൾ എനിക്ക് വളരെയധികം പ്രയോജനം ചെയ്തു. അത് മൂലം യൂറോപ്യൻ, ഫ്രഞ്ച്, പെറു, താഹിതി ഇന്റർനാഷണൽ തുടങ്ങിയ മത്സരങ്ങളിൽ സീഡായ കളിക്കാരെ തോൽപ്പി ക്കുവാൻ കഴിഞ്ഞു. പെറുവിലെ മത്സരം അത്യന്തം കഠിനതരമായിരുന്നുവെങ്കിലും ആ വിജയം എനിക്ക് ഒളിമ്പിക്‌സിലേക്കുള്ള വാതിൽ തുറന്നു തന്നു.
എന്റെയ ഈ ജൈത്രയാത്രയിൽ ഇതുവരെ എന്നോടൊപ്പം നിന്ന എന്റെ കുടുംബത്തിൽപ്പെട്ട എല്ലാവരോടും, സുഹൃത്തുക്കളോടും എന്റെ കായിക പരിശീലനങ്ങളിൽ എന്നെ സഹായിച്ച എല്ലാ പരിശീലകരോടും എന്റെ സ്‌പോൺസങർമാരോടും, 'കാവസാക്കി ക്ലബ്ബ്', ബാഡ്മിന്റൺ സൗത്ത് ആഫ്രിക്ക, SASCOCയോടും ഞാൻ കടപ്പെട്ടിരിക്കുന്നു.
ആഫ്രിക്കൻ ഭൂഖണ്ഡത്തിലെ കോംഗോയിൽ കഴിഞ്ഞ വർഷം നേടിയ ഗോൾഡ്് മെഡലും, ഫ്രഞ്ച് ഇന്റർനാഷണലിൽ ലോക അഞ്ചാം സീഡ്കാരനായ ഇസ്രയേലിന്റെ മിഷാ സിൽബ്ബെ രാമാനെയും പോളിഷ് താരമായ മൈക്കിൾ റോഗൽസ്‌ക്കിയെയും തോൽപ്പിക്കാനായതും അവിസ്മരണീയമായി കരുതുന്നു''.
ചൈനായിൽ വിദഗ്ദ്ധ പരിശീലനത്തിലേർപ്പെട്ടിരിക്കുന്ന ജേക്കബ്, ഒളിമ്പിക്‌സിൽ വിജയം കൊയ്യുവാനുള്ള തയ്യാറെടുപ്പിലാണിപ്പോൾ. നാഷണൽ കൊച്ച് ക്രിസ് ഡെഡ്‌നാമിനും അതീവ ശുഭപ്രതീക്ഷകളാണുള്ളത്.
ദക്ഷിണാഫ്രിക്കയിലെ ബാഡ്മിന്റൺ പ്രേമികളോടൊപ്പം ഇവിടുത്തെ മലയാളീ സമൂഹം ഒന്നടങ്കം പ്രാർത്ഥനയോടെ ജേക്കബ് മാളിയേക്കലിന്റെ 2016 റിയോ ഒളിമ്പിക്‌സിലെ സുവർണ്ണ നേട്ടത്തിനായി കാതോർത്തിരിക്കുന്നു.
