പടക്കം...പൊട്ടിച്ചോ( ജയിച്ചപ്പോൾ) എന്ന് ഫിറോസ് കുന്നംപറമ്പിൽ; പോടെർക്കാ എന്ന് ജസ്ല മാടശേരി; തവനൂരിൽ ജലീലിനെതിരെ പൊരുതി തോറ്റതിന് പിന്നാലെ സോഷ്യൽ മീഡിയയിൽ ഫിറോസ് ഫാൻസും മാടശേരി ഫാൻസും തമ്മിൽ പൊരിഞ്ഞ പോര്
തിരുവനന്തപുരം: തവനൂരിൽ ഇത്തവണ നടന്ന വാശിയേറിയ പോരാട്ടത്തിന്റെ വാശി വാഗ്വാദങ്ങളിലും ഉണ്ടായി. ചാരിറ്റി പ്രവർത്തകൻ ഫിറോസ് കുന്നംപറമ്പിന്റെ പ്രതിരോധത്തെ മറികടക്കാൻ ജലീൽ ശരിക്കും വിയർത്തു. 17000 വോട്ടിന്റെ ഭൂരിപക്ഷമാണ് 2016ൽ തവനൂരുകാർ ജലീലിന് നൽകിയത്. എന്നാൽ ഇത്തവണ ഭൂരിപക്ഷം കുത്തനെ ഇടിഞ്ഞു. പലപ്പോഴും തോൽക്കുമെന്ന തോന്നലുമുണ്ടായി.ഒടുവിൽ 3066 വോട്ടിന്റെ ഭൂരിപക്ഷത്തിന് ജലീൽ ജയിച്ചു. തോൽവിക്ക് പിന്നാലെ ഫിറോസ് ഫേസ്‌ബുക്കിൽ ഇട്ടു. 'തവനൂരിലെ എന്റെ പ്രിയപ്പെട്ടവരെ
നിങ്ങളുടെ സ്‌നേഹത്തിനും,ചേർത്ത് പിടിക്കലിനും ഒരായിരം നന്ദി..............LDF തരംഗം ആഞ്ഞു വീശിയിട്ടും 17000 ൽ കൂടുതൽ വോട്ടിന് ഈസിയായി ജയിച്ച് പോയിരുന്ന LDF സ്ഥാനാർത്ഥിയെ ഈ തുച്ഛമായ ലീഡിന് പിടിച്ച് കെട്ടിയ എന്റെ സഹപ്രവർത്തകർക്ക് ഇതൊരു തോൽവിയല്ല വിജയത്തിന്റെ തുടക്കമാണ് നമ്മൾ ലക്ഷ്യത്തിൽ എത്തുക തന്നെ ചെയ്യും
പോസ്റ്റിന് താഴെ സാമൂഹിക പ്രവർത്തക ജസ്ല മാടശേരി കമന്റ് ചെയ്തിരുന്നു. ഇതിന് മറുപടിയായിട്ടാണ് ഫിറോസ് ഇട്ട പോസ്റ്റ് ദ്വയാർഥമുള്ളതെന്നാണ് ആരോപണം. പടക്കം പൊട്ടിച്ചോ (ജയിച്ചപ്പോൾ) എന്നായിരുന്നു മറുപടി. കൂടാതെ കളിയാക്കാൻ ഉപയോഗിക്കുന്ന സ്മൈലിയും കമന്റിൽ ഉപയോഗിച്ചിട്ടുണ്ട്. 'പോടർക്കാ' എന്നായിരുന്നു ജസ്ലയുടെ കമന്റ്. ഇരുകൂട്ടരെയും അനുകൂലിച്ചും പ്രതികൂലിച്ചും പോസ്റ്റുകളും കമന്റുകളും സോഷ്യൽ മീഡിയയിൽ നിറഞ്ഞു. ഇതിന് പിന്നാലെ ചൊവ്വാഴ്ച തനിക്കെതിരെ അശ്ലീല ചുവയുള്ള കമന്റുകൾ ആവർത്തിക്കുന്ന ഫിറോസിനെതിരെ വീണ്ടും പോസ്റ്റിട്ടു.
ഈ നാട്ടിലെ എല്ലാവരേയും പോലെ അഭിപ്രായം, അല്ലങ്കിൽ ഒരു പ്രതികരണം, ഒരു സന്തോഷ പ്രകടനം നടത്തിയാൽ സ്ത്രീകൾക്ക് വെടി, വേശ്യ പടക്കം എന്നിങ്ങനെയുള്ള അധിക്ഷേപങ്ങൾ നേരിടേണ്ടി വരുമെന്ന് ജസ്ല മാടശ്ശേരി ഒരു ഫേസ്‌ബുക്ക് പോസ്റ്റിലൂടെ പറഞ്ഞു. സ്ത്രീകളോട് എന്നും ആധുനികമെന്ന് കരുതുന്ന കേരളം പോലും പ്രതികരിക്കുന്ന രീതി ലൈംഗിക അധിക്ഷേപമാണെന്നും ജസ്ല പറഞ്ഞു. ഫിറോസിനെ നന്മ മരം എന്ന് വിശേഷിപ്പിച്ചുകൊണ്ടാണ് ജസ്ലയുടെ പോസ്റ്റ്.
ജസ്ല മാടശ്ശേരിയുടെ ഫേസ്‌ബുക്ക് കുറിപ്പ് ഇങ്ങനെ:
സ്ത്രീകളോട് എന്നും ആധുനികമെന്ന് കരുതുന്ന കേരളം പോലും പ്രതികരിക്കുന്ന രീതി ലൈംഗിക അധിക്ഷേപമാണ്.സ്ത്രീകളുടെ അഭിപ്രായവും, അവളുടെ പ്രതികരണങ്ങളും പ്രതീക്ഷകളും എല്ലാം ഇരിക്കുന്നത് അവളുടെ കാലുകൾക്കിടയിലാണ് എന്ന പൊതുബോധമാണ് സ്ത്രീ മിണ്ടിയാൽ, അവൾ രാഷ്ട്രീയം പറഞ്ഞാൽ ,എല്ലാവരേയും പോലെ വിജയം ആഘോഷിച്ചാൽ ഒക്കെ ഉണർന്ന് ഉദ്ധരിച്ച് പൊന്തുന്നത്.
പൊതുവിടത്തിൽ പ്രത്യക്ഷയാകുന്ന പെണ്ണ് ആണ് ഏതൊരാളുടേയും പ്രശ്‌നം. അവളെ കാണുന്ന കണ്ണുകളുടെ ഉടമ രാഷ്ട്രീയക്കാരൻ ആകട്ടെ, നന്മ്മമരം ആകട്ടെ, മത നേതാവ് ആകട്ടെ, ആരായാലും പഴകി തുരുമ്പിച്ച പഴയ വാറോലകൾ കൊണ്ടാണു് അവളെ അളക്കുന്നതും വിലയിരുത്തുന്നതും.നിങ്ങൾ ഈ നാട്ടിലെ എല്ലാവരേയും പോലെ അഭിപ്രായം, അല്ലങ്കിൽ ഒരു പ്രതികരണം, ഒരു സന്തോഷ പ്രകടനം നടത്തി നോക്കു.. നിങ്ങൾ വേശ്യയായി, വെടിയായി, പടക്കമായി..
ലൈംഗിക അവയവം കൊണ്ട് ചിന്തിക്കുന്ന ആളുകളോട് ഒന്നേ പറയാനുള്ളു. ഇടയ്‌ക്കൊക്കെ തലച്ചോറും കൊണ്ട് ചിന്തിക്കു... ഈ വർത്തമാനകാലത്തെ മൂല്ല്യങ്ങൾക്കൊപ്പം ജീവിക്കാൻ ശ്രമിക്കൂ.
തെരഞ്ഞെടുപ്പ് ഫലം വന്നതിന് പിന്നാലെ ജസ്ല പറഞ്ഞത്:
Firoz kunnamparambil fans വായിക്കാൻ!
മനസ്സിൽ കുറ്റ ബോധം തോന്നിത്തുടങ്ങിയാൽ പിന്നെ ചെയ്യുന്നതൊക്കെ യാന്ത്രികമാവും...ഇനി നീ ഉറങ്ങിക്കോ ഫിറോസെ...ഉറക്കം വരില്ലെന്നറിയാം..എന്നാലും കിടന്ന് നോക്ക്...അപമാനിക്കപ്പെടുന്നതിന്റെ നോവ് ചെറുതല്ല...ഇൻസൾട്..അത് വല്ലാത്തൊരു പിടച്ചിലാണ്....നീയും അറിയ്..നീയും നിന്റെ കൂട്ടാളികളും കടന്നക്രമിച്ചപ്പോൾ...ഇതുപോലുള്ള നോവുണങ്ങാത്ത പൊള്ളലുകൾ ഇവിടെ കുറച്ച് ഹൃദയങ്ങളിലുമുണ്ടായിരുന്നു...
എന്നെ വിമർശിച്ചവൾ വേശ്യയാണ്...എത്ര ലാഘവത്തോടെയാണ്...നീ എന്റെ തൊഴിൽ മാറ്റിയത്...കഷ്ടപ്പെട്ട് പഠിച്ച് നേടിയ വിദ്യാഭ്യാസവും തൊഴിലും ഒക്കെ എന്നെ ആശ്വസിപ്പിച്ചെങ്കിലും..ഒരു മുറിപാട് ഉണങ്ങാതെ ഉണ്ട്..കരഞ്ഞുറങ്ങാൻ പോലുമാവാതെ വെന്ത രാത്രികൾ....യൂറ്റിയൂബിലും ഫേസ്‌ബുക്കിലും പൊതു ഇടത്തിലും നിന്റെ കൂട്ടാളികൾ എന്നെ കുറിച്ച് പടച്ച് വിട്ട കെട്ട് കഥകൾ....മറക്കുമോ ജീവനുള്ള കാലം..
ഫിറോസിനെ അനുകൂലിച്ചും പ്രതികൂലിച്ചും നിരവധി കമന്റുകൾ വരുന്നുണ്ട്. വിമർശിക്കുന്നവരിൽ ഏറെയും സ്ത്രീകൾ ആണെന്ന കാര്യവും ശ്രദ്ധേയം. നേരത്തെ ഫിറോസ് കുന്നംപറമ്പിൽ ജ്സ്ലയെ അധിക്ഷേപിച്ച് സംസാരിച്ചത് വലിയ വിവാദമായിരുന്നു. മഞ്ചേശ്വരത്തെ മുൻ യു.ഡി.എഫ് സ്ഥാനാർത്ഥി എം.സി ഖമറുദ്ദീന്റെ തെരഞ്ഞെടുപ്പ് പ്രചാരണത്തിൽ ഫിറോസ് പങ്കെടുത്തതിനെ ജസ്ല അടക്കമുള്ളവർ വിമർശിച്ചിരുന്നു. ഇതിന് പിന്നാലെ ഫേസ്‌ബുക്ക് ലൈവിലാണ് ഫിറോസ് സ്ത്രീകളെ അധിക്ഷേപിക്കുന്ന രിതിയിലുള്ള വാക്കുകൾ ഉപയോഗിച്ചത്.
'കുടുംബത്തിൽ ഒതുങ്ങാത്ത സ്ത്രീ, പച്ചയ്ക്ക് വേശ്യാവൃത്തി ചെയ്യുന്ന സ്ത്രീ, ശരീരത്തിന്റെ സുഖത്തിന് വേണ്ടി മാത്രം ജീവിക്കുന്ന സ്ത്രീ, ആരാണെന്ന് അറിയാത്തവരുടെ മുന്നിൽ പോലും ശരീരം കാഴ്ച വെയ്ക്കുന്ന സ്ത്രീ', എന്നിങ്ങനെയുള്ള വാക്കുകളായിരുന്നു തനിക്കെതിരെ വിമർശനം നടത്തിയവർക്ക് ഫിറോസ് നൽകിയ മറുപടി.ന്യതയുള്ളവർ വിമർശിച്ചാൽ സ്വീകരിക്കുമെന്നും പ്രവാചകനെ വരെ അപമാനിച്ച സ്ത്രീയോട് പുച്ഛമാണെന്നുമായിരുന്നു ഫിറോസ് പറഞ്ഞത്. ഇതിന് പിന്നാലെയാണ് ഫിറോസിന് മറുപടിയുമായി ജസ്ല എത്തുകയും ചെയ്തു.
''നമ്മുടെ സമൂഹത്തിൽ ഏത് വിഷയത്തെ കുറിച്ച് ഏത് സ്ത്രീ സംസാരിച്ചാലും അവർ ഉടനെ വേശ്യയാകും. വിഡ്ഡിയാകും പരവെടിയാകും. ഇത് എല്ലാവരുടേയും കാര്യമാണ്. അസലാമു അലൈക്കും എന്നെല്ലാം പറഞ്ഞ് വലിയ മതത്തിന്റെ ആളായി വന്നിട്ട് ഫിറോസ് എന്താണ് പറയുന്നത്. എന്നെ ഒരാൾ വിമർശിച്ചു, പെണ്ണാണ് വിമർശിച്ചത്, അവൾ വേശ്യയാണ്, അവൾ തോന്നിയ പോലെ നടക്കുന്നവളാണ്, അവൾ കുടുംബത്തിൽ പിറക്കാത്തവളാണ്. ഈ തരത്തിലാണ് നന്മമരത്തിന്റെ ഡയലോഗ്.-ജസ്ലയുടെ മറുപടിയിൽ നിന്ന്.
