ജുബൈൽ: 37 വർഷത്തെ പ്രവാസ ജീവിതം അവസാനിപ്പിച്ചു നാട്ടിലേക്ക് മടങ്ങുന്ന പത്തനംത്തിട്ട , പന്തളം സ്വദേശി ആദംകുട്ടി റാവുത്തർക്ക് ജുബൈൽ ഓ ഐ സി സി യൂത്ത് വിങ് യാത്രയയപ്പ് നൽകി. ജുബൈൽ റോയൽ മലബാർ ഹോട്ടലിൽ വെച്ചു നടന്ന യാത്രായപ്പ് സമ്മേളനം ഓ ഐ സി സി ദമ്മാംറീജിയണൽ പ്രസിഡന്റ് ബിജു കല്ലുമല ഉദ്ഘാടനം ചെയ്തു.

ഓ ഐ സി സി ദമ്മാം റീജിയണൽ ജനറൽസെക്രട്ടറി ഷിഹാബ് കായംകുളം ,അബ്ദുൽ റഹ്മാൻ ആദിക്കാട്ടുകുളങ്ങര ,നസീർ തുണ്ടിൽ,ഷിബുറാന്നി,ഉമ്മർ ഖാൻ ,ഷാജിദ് കാക്കൂർ, റിയാസ് എൻ പീ , സലിം വിളയിൽ , അനിൽ കുമാർ കണ്ണൂർ ,ജയിംസ് കൈപ്പള്ളിൽ ബൈജു അസീസ് , അലീഫ് ചങ്ങനാശ്ശേരി , ഫാറൂഖ് റഷീദ് ,ജീന അലിഫ് ,റീജഅൻവർ , എന്നിവർ ആശംസ അർപ്പിച്ചു.

ആദംകുട്ടി റാവുത്തരെ , ഷമീം മലപ്പുറം പൊന്നാട അണിയിച്ചു ആദരിച്ചു . ജുബൈൽ ഓ ഐ സി സിയൂത്ത് വിങ്ങിന്റെ ഉപഹാരം പ്രസിഡണ്ട് ഉസ്മാൻ കുന്നംകുളവും ജനറൽ സെക്രട്ടറി മനു ബാബുവുംചേർന്ന് സമർപ്പിച്ചു . മറുപടി പ്രസംഗം നടത്തുകയും ചെയ്തു .

37 വർഷത്തെ സൗദി ജീവിതത്തിന്റെ ദുഃഖങ്ങളും സന്തോഷങ്ങളും ആദം കുട്ടി റാവുത്തർ മറുപടിപ്രസംഗത്തിൽ സദസ്സുമായി പങ്കു വെച്ചു . നാട്ടിലെ വിശ്രമ ജീവിതത്തിൽ സമൂഹത്തിനായികർമനിരതനാകുമെന്നു മുൻ അദ്ധ്യാപകനായ അദ്ദേഹം സദസ്സിനു വാക്കു കൊടുത്തു.

പ്രസിഡന്റ് ഉസ്മാൻ കുന്നംകുളം അദ്യക്ഷത വഹിച്ചു . ജനറൽ സെക്രട്ടറി മനു ബാബു സ്വാഗതവും,സെക്രട്ടറി അൻഷാദ് ആദം നന്ദിയും പറഞ്ഞു.