മലപ്പുറം: 12വയസ്സുകാരിയായ മകളെ രണ്ടാം ഭർത്താവിന് കാഴ്ചവെച്ചത് 30വയസ്സുകാരിയായ സ്വന്തം മാതാവ്. കേസിൽ റിമാന്റിൽ കഴിയുന്ന മാതാവിന്റെ ജാമ്യാപേക്ഷ മഞ്ചേരി ജില്ലാ സെഷൻസ് കോടതി തള്ളി.

തിരുവനന്തപുരം കണ്ടംകടവ് സ്വദേശിനിയായ 30 കാരിയുടെ ജാമ്യാപേക്ഷയാണ് ജഡ്ജി എസ് നസീറ തള്ളിയത്. ആദ്യ ഭർത്താവിലുണ്ടായ മകളെ 2019 ജനുവരി ഒന്നിനും 2021 ജൂൺ 30നും ഇടയിൽ പലതവണ രണ്ടാം ഭർത്താവിന് കാഴ്ചവെച്ചുവെന്നാണ് കേസ്.

അവശയായ കുട്ടിയെ 2021 ഒക്ടോബർ 11ന് മഞ്ചേരി മെഡിക്കൽ കോളേജ് ആശുപത്രിയിലാക്കി മാതാവ് മുങ്ങുകയായിരുന്നു. മദ്യം നൽകിയും പട്ടിയെ കെട്ടുന്ന ബെൽറ്റുകൊണ്ടടിച്ചും പീഡിപ്പിച്ച കുട്ടിയെ വിവരം പുറത്തുപറഞ്ഞാൽ കൊല്ലുമെന്നും ദമ്പതികൾ ഭീഷണിപ്പെടുത്തിയിരുന്നു. കുട്ടിയുടെ തലയിൽ രഹസ്യ ക്യാമറ ഘടിപ്പിച്ചിട്ടുണ്ടെന്നും ഇവർ കുട്ടിയെ പറഞ്ഞ് വിശ്വസിപ്പിച്ചു.

പെൺകുട്ടി മലപ്പുറം വനിതാ സെല്ലിൽ നൽകിയ പരാതിയെ തുടർന്ന് ഒക്ടോബർ 20ന് മാതാവിനെ പൊലീസ് അറസ്റ്റ് ചെയ്തു. നവംബർ 12ന് കേസിലെ ഒന്നാം പ്രതിയായ രണ്ടാനച്ഛൻ കോടതിയിൽ കീഴടങ്ങി. ഇയാളും റിമാന്റിലാണ്.

 

മകളെ പീഡിപ്പിക്കാൻ ഒത്താശ

ജംഷാദ് മലപ്പുറം

    മറുനാടന്‍ മലയാളി ന്യൂസ് കോണ്‍ട്രിബ്യൂട്ടര്‍