ലോകായുക്തയിൽ മുഖ്യമന്ത്രിക്കും മന്ത്രിമാർക്കും എതിരായ പരാതി മുന്നിൽ കണ്ടാണ് നിയമ ഭേദഗതി; ഓർഡിനൻസിനെതിരെ ഹൈക്കോടതിയിൽ ഹർജി

കൊച്ചി: ഗവർണർ കഴിഞ്ഞ ദിവസം അംഗീകാരം നൽകിയ ലോകായുക്ത ഭേദഗതി ഓർഡിനൻസിനെ ചോദ്യം ചെയ്തത് ഹൈക്കോടതിയിൽ ഹർജി

ദുരിതാശ്വാസനിധി ദുരുപയോഗം ചെയ്തതായി ആരോപിച്ച് മുഖ്യമന്ത്രിയെയും മന്ത്രിസഭാ അംഗങ്ങളെയും ഏതിർ കക്ഷികളാക്കി ലോകയുക്തയിൽ വാദം കേൾക്കുന്ന തന്റെ പരാതി മുന്നിൽ കണ്ടാണ് സർക്കാർ തിരക്കിട്ട് ലോകായുക്ത നിയമത്തിന്റെ പതിനാലാം വകുപ്പ്‌ഭേദഗതി ചെയ്തതെന്നും, നീതിന്യായ പീഠത്തിന്റെ ഉത്തരവുകൾ സർക്കാരിന്റെ അന്തിമ തീർപ്പിന് വിധേയമാക്കാനുള്ള പുതിയ നിയമഭേദഗതി ജുഡീഷ്യൽ സംവിധാനത്തെ തകർക്കുന്നതിനും അതുവഴി പൊതുപ്രവർത്തകർക്ക് നിർബാധം അഴിമതി നടത്തുന്നതിന് സഹായകമാവുന്നതിനുമാണെന്നാണ് ഹർജ്ജിയിൽ ചൂണ്ടിക്കാട്ടിയിട്ടുള്ളത്.

മുൻ സിൻഡിക്കേറ്റ് അംഗം കൂടിയായ പൊതു പ്രവർത്തകൻ ആർ.എസ്.ശശികുമാറാണ്, മുതിർന്ന അഭിഭാഷകൻ ജോർജ് പൂന്തോട്ടം മുഖേന ഹൈക്കോടതി കോടതിയിൽ ഹർജ്ജി ഫയൽ ചെയ്തത്.