ബോളിവുഡ് താരം ജൂഹി ചൗളയുടെ ഡയമണ്ട് കമ്മൽ നഷ്ടപ്പെട്ടു. കഴിഞ്ഞ 15 വർഷമായി താരം ഉപയോ​ഗിക്കുന്ന കമ്മലാണ് മുംബൈ വിമാനത്താവളത്തിൽ നഷ്ടപ്പെട്ടത്. കമ്മൽ കണ്ടെത്താൻ സഹായിക്കണം എന്ന് അഭ്യർത്ഥിച്ച് താരം സോഷ്യൽ മീഡിയയിൽ കുറിപ്പ് പങ്കുവെച്ചു. കമ്മൽ കണ്ടെടുക്കാൻ സഹായിക്കുന്നവർക്ക് സമ്മാനവും താരം വാ​ഗ്ദാനം ചെയ്യുന്നുണ്ട്.

ദയവു ചെയ്ത് സഹായിക്കൂ എന്ന അടിക്കുറിപ്പിൽ കമ്മിലിന്റെ ചിത്രത്തിനൊപ്പമാണ് താരം സഹായം അഭ്യർത്ഥിച്ചത്. ‘ഇന്ന് രാവിലെ മുംബൈ എയർപോട്ടിലെ ഗെയിറ്റ് 8 ന് സമീപത്തേക്ക് നടക്കുന്നതിനിടയിൽ എമിറേറ്റ്സ് കൗണ്ടറിന് സമീപത്തു എവിടെയോ എന്റെ ഡയമണ്ട് കമ്മൽ നഷ്ടമായി. അത് കണ്ടെത്താൻ ആരെങ്കിലും സഹായിച്ചാൽ ഞാൻ വളരെ സന്തോഷവതിയാകും. കമ്മൽ കിട്ടിയാൽ പൊലീസിനെ അറിയിക്കൂ. നിങ്ങൾക്ക് സമ്മാനം തരുന്നതിൽ എനിക്ക് സന്തോഷമേ ഉള്ളൂ, ഇത് അതിന്റെ മാച്ചിങ് പീസാണ്. കഴിഞ്ഞ 15 വർഷമായി മിക്കവാറും എല്ലാ ദിവസവും ഞാനിത് അണിയാറുണ്ട്. കണ്ടെത്താൻ സഹിയിക്കൂ- താരം കുറിച്ചു.

ഹരിദ്വാറിലേക്കുള്ള യാത്രയ്ക്കിടയിലാണ് താരത്തിന് കമ്മൽ നഷ്ടപ്പെട്ടത്. ആരാധകർക്കിടയിൽ ചർച്ചയാവുകയാണ് പോസ്റ്റ്. മുംബൈ വിമാനത്താവളവുമായി ബന്ധപ്പെട്ടാൽ പെട്ടെന്ന് തിരിച്ചു കിട്ടുമെന്നാണ് ചിലരുടെ കമന്റുകൾ. അതിനൊപ്പം താരത്തെ പരിഹസിച്ചുകൊണ്ടുള്ള കമന്റുകളും വരുന്നുണ്ട്.

 

കമ്മൽജൂഹി ചൗള

മറുനാടന്‍ ഡെസ്‌ക്‌

    മറുനാടന്‍ ഡെസ്‌ക്‌