തിരുവ നന്ത പുരം: സാഹിത്യകാരി കമലാ സുരയ്യയുടെ സ്മരണാർത്ഥം ഇൻഫർമേഷൻ ആൻഡ് പബ്ലിക് റിലേഷൻസ് വകുപ്പ്, നിംസ് മെഡിസിറ്റി എന്നിവയുടെ സഹകരണത്തോടെ, നവാഗത എഴുത്തുകാരികൾക്കായി കേരള കലാ കേന്ദ്രം കമലാ സുരയ്യ കൾച്ചറൽ സെന്റർ ഏർപ്പെടു ത്തിയ ആറാമത് നിംസ് കേരള കലാകേന്ദ്രംകമലാ സുരയ്യ ചെറുകഥാ പുരസ്‌ക്കാരത്തി ന്രചനകൾ ക്ഷണിച്ചു.

2014 ജനുവരി ഒന്നിനുശേഷം ആദ്യമായി പുസ്തകമായോ ആനുകാലികങ്ങളിലോപ്രസിദ്ധീകരിച്ച കഥയാണ് മത്സരത്തിന് പരിഗണിക്കുക.ലഭിക്കുന്ന രചനകൾ പ്രഗത്ഭരുടെ പുരസ്‌ക്കാര നിർണ്ണയസമിതി പരിശോധിച്ച്യോഗ്യരായ അഞ്ച് പേരുടെ പ്രാഥമിക പട്ടിക തയ്യാറാക്കും. അതിൽ ഒന്നാംസ്ഥാനം ലഭിക്കുന്ന കഥാകാരിക്ക് പതിനായിരം രൂപയും ഫലകവും
സർട്ടിഫിക്കറ്റും അടങ്ങുന്ന പുരസ്‌ക്കാരം ലഭിക്കും. യോഗ്യതാ ലിസ്റ്റിൽപ്പെട്ട മറ്റ്‌നാല് പേർക്കും ഫലകവും സർട്ടിഫിക്കറ്റും ലഭിക്കും.

കമലാ സുരയ്യയുടെ എട്ടാം ചരമവാർഷികദിനമായ മെയ്‌ 31 ന് തിരുവനന്തപുരത്ത് നടക്കുന്ന സ്‌നേഹപൂർവ്വം, കമലാ സുരയ്യക്ക് സ്മരണാഞ്ജലിയിൽ പ്രമുഖസാംസ്കാരികനായകരുടെ സാന്നിദ്ധ്യത്തിൽ പുരസ്‌ക്കാരം സമ്മാനിക്കും.മത്സരത്തിനുള്ള രചനകളുടെ നാല് കോപ്പികൾ 2017 ഫെബ്രുവരി 28 നകം ലഭിക്കത്തക്ക വിധം കെ. ആനന്ദകുമാർ, ജനറൽ സെക്രട്ടറി, കേരള കലാ കേന്ദ്രം, വഞ്ചിയൂർ, തിരുവ നന്തപുരം 695 035, കേരളം എന്ന വിലാസത്തിൽ അയക്കേണ്ടതാണ്.

കൂടുതൽ വിവരങ്ങൾക്ക് ഫോൺ: 98950 70030, 83019 90030.