'സംവിധായകനിൽ നിന്ന് നടനിലേക്ക് മാറിയത് അനായാസമായി; പൃഥ്വിരാജിനൊപ്പം ഒന്നിച്ചു പ്രവർത്തിക്കാൻ കഴിഞ്ഞതിൽ സന്തോഷം പങ്കുവെച്ച് കനിഹ; ഞാൻ നിങ്ങളുടെ ആരാധികയെന്നും താരം
ചെന്നൈ: മോഹൻലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന ബ്രോ ഡാഡിയുടെ ഷൂട്ടിങ് പുരോഗമിക്കുകയാണ്. ചിത്രത്തിൽ പ്രധാന റോളിൽ പൃഥ്വിയും അഭിനയിക്കുന്നുണ്ട്. മീന, കനിഹ ഉൾപ്പടെ വലിയ താരനിര ചിത്രത്തിൽ അണിനിരക്കുന്നുണ്ട്. ഇപ്പോൾ പൃഥ്വിരാജിനൊപ്പം ഒന്നിച്ചു പ്രവർത്തിക്കാൻ കഴിഞ്ഞതിൽ സന്തോഷം പങ്കുവെച്ചിരിക്കുകയാണ് കനിഹ.
വിവിധ വേഷങ്ങളിൽ പൃഥ്വിയെ കണ്ടിട്ടുണ്ട്. വ്യത്യസ്തങ്ങളായ കഥാപാത്രങ്ങൾക്ക് ജീവൻ നൽകിയതുകണ്ട് ആരാധന തോന്നിയിട്ടുണ്ട്. അദ്ദേഹത്തിനൊപ്പം യാത്ര ചെയ്യണമെന്ന് എപ്പോഴും ആഗ്രഹിച്ചിരുന്നു. അവസാനം അത് സാധ്യമായിരിക്കുകയാണ്. നടനിൽ നിന്ന് സംവിയകനിലേക്ക് അനായാസമായി മറുന്നതുകാണുന്നതുതന്നെ മികച്ച അനുഭവമാണ്. പൃഥ്വിരാജ് ഞാൻ എന്നും നിങ്ങളുടേയും നിങ്ങളുടെ സിനിമയുടേയും ആരാധികയാണ്.- കനിഹ കുറിച്ചു. പൃഥ്വിരാജിനൊപ്പമുള്ള കുറിപ്പ് പങ്കുവെച്ചുകൊണ്ടാണ് പോസ്റ്റ്.
പോസ്റ്റിന് മറുപടിയായി പൃഥ്വിരാജും എത്തി. അവസാനം നിങ്ങൾക്കൊപ്പം സഹകരിക്കാൻ കഴിഞ്ഞതിൽ സന്തോഷമുണ്ട് കനിഹാ എന്നാണ് പൃഥ്വി കുറിച്ചത്. ബ്രോ ഡാഡിയുടെ ഷൂട്ടിങ് ഹൈദരാബാദിലാണ് പുരോഗമിക്കുന്നത്. ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന രണ്ടാമത്തെ ചിത്രമാണിത്.
