ന്യൂജേഴ്സി: അമേരിക്കയിലെ പ്രമുഖ മലയാളി സംഘടനയായ കേരള അസോസിയേഷൻ ഓഫ് ന്യൂജേഴ്സിയുടെ (കാൻജ് ) ഓണാഘാഷ ചടങ്ങുകൾ 24ന് നടക്കും.

സെപ്റ്റംബർ 24 ശനിയാഴ്ച ഈസ്റ് ബ്രോൺസ്വിക്കിലുള്ള പ്രശസ്തമായ ഈസ്റ് ബ്രോൺസ്വിക്ക് പെർഫോമിങ് ആർട്സ് സെന്റർ ഓഡിറ്റോറിയത്തിൽ വച്ച് ഉച്ചക്ക് 12 മണിക്ക് ഓണാഘോഷങ്ങൾക്കു തുടക്കം കുറിക്കും.ചടങ്ങുകൾക്കുള്ള ഒരുക്കങ്ങൾ പൂർത്തിയാവുന്നതായി സംഘാടകർ അറിയിച്ചു. കാൻജ് മാസ്റ്റർ പീസ് അത്തപ്പുക്കളം, തിരുവാതിര തുടങ്ങിയ നിരവധി പരിപാടികൾ ഇത്തവണയും ഉണ്ടായിരിക്കുന്നതാണ്,

രാഷ്ട്രീയ സാമൂഹിക സാംസ്‌കാരിക സിനിമ രംഗങ്ങളിലെ പ്രശസ്തർ പങ്കെടുക്കുന്ന പൊതു സമ്മേളനത്തിന് ശേഷം നടക്കുന്ന വിവിധ കലാപരിപാടികളിൽ അമേരിക്കയിലെ കഴിവുറ്റ കലാകാരന്മാർ പങ്കെടുക്കുന്നു, ശേഷം സ്റ്റാർ എന്റെർറ്റൈന്മെന്റും ആൽബെർട്ട ലിമിറ്റഡും ചേർന്ന് അവതരിപ്പിക്കുന്ന 'സ്‌കൈലൈൻ ബിൽഡേഴ്സ് ടു ലാലേട്ടൻ ബെ ശ്രീക്കുട്ടൻ' പവേർഡ് ബൈ സ്‌കൈപാസ്സ് ട്രാവൽസ് മെഗാ ഷോ! എന്ന മെഗാ ഷോ അരങ്ങേറും.

മലയാളത്തിന്റെ അഭിനയ ചക്രവർത്തി ദി ലെജൻഡ് പത്മശ്രീ ഭരത് മോഹൻലാൽ വെള്ളിത്തിരയിൽ അവതരിപ്പിച്ച് അനശ്വരമാക്കിയ മഞ്ഞിൽ വിരിഞ്ഞ പൂക്കൾ തുടങ്ങി രാജാവിന്റെ മകൻ, താളവട്ടം, സർവകലാശാല, ഇരുപതാം നൂറ്റാണ്ട്, ചിത്രം, കമലദളം, കിരീടം, ദേവാസുരം, സ്പടികം,നരസിംഹം തുടങ്ങി പുലിമുരുകൻ വരെ എത്തി നിൽക്കുന്ന ലാലേട്ടൻ മലയാളിയ്ക് സമ്മാനിച്ച ഗുഹാതുരത്വമുണർത്തുന്ന ക്ലാസ്സിക് സിനിമകളിലെ സംഗീതവും നൃത്തവും തമാശകളും കോർത്തിണക്കി അവതരിപ്പിക്കുന്ന മുഴുനീള എന്റെർറ്റൈന്മെന്റ് മലയാളത്തിന്റെ സ്വന്തം ഗായകൻ എം ജി ശ്രീകുമാറും മലയാളത്തിലെ മികച്ച അഭിനേത്രിയും പ്രമുഖ നർത്തകിയുമായ രമ്യ നമ്പീശനും,

ചുരുങ്ങിയ കാലം കൊണ്ട് മലയാളിയെ ചിരിപ്പിച്ച്, ചിന്തിപ്പിച്ച് ഹാസ്യകലയ്ക്ക് പുതിയ മുഖം നല്കി മലയാള മനസ്സിൽ ചിരകാല പ്രതിഷ്ഠ നേടിയ രമേഷ് പിഷാരടിയും, കർണാട്ടിക് ക്ലാസ്സിക്കുകളും ഹിന്ദുസ്ഥാനി സംഗീതവും ഗസലുകളും കൂടാതെ മലയാളത്തിലും തമിഴിലും തെലുങ്കിലും കന്നഡയിലുമടക്കം അനേകം ഹിറ്റ് ഗാനങ്ങൾ ആലപിച്ച പ്രമുഖ പിന്നണി ഗായിക സിത്താര കൃഷ്ണകുമാറും മറ്റ് പ്രമുഖ കലാകാരന്മാരും ചേർന്ന് അനശ്വരമാക്കുന്നു.

മോഹൻലാൽ എന്ന മഹാ പ്രതിഭയുടെ അഭിനയ ജീവിതത്തിലെ അനശ്വര നിമിഷങ്ങളെ ന്യൂ ജേഴ്സി മലയാളിയുടെ ഓണാഘോഷങ്ങളുടെ ഭാഗമാക്കുവാൻ സ്റ്റാർ എന്റെർറ്റൈന്മെന്റും ആൽബെർട്ട ലിമിറ്റഡും ചേർന്ന് അവതരിപ്പിക്കുന്ന ' ടു ലാലേട്ടൻ ബൈ ശ്രീക്കുട്ടൻ ' എന്ന മെഗാ ഷോ കേരള അസോസിയേഷൻ ഓഫ് ന്യൂജേഴ്സി (കാൻജ് ) ഓണാഘോഷത്തിനു മാറ്റ് കൂട്ടും. ഭൂരിഭാഗവും സീറ്റുകൾ റിസേർവ് ചെയ്യപ്പെട്ടുവെന്നും ടിക്കറ്റ് ലഭിക്കുന്നതിന് കാൻജ് ഭാരവാഹികളെ സമീപിക്കണമെന്നും അല്ലെങ്കിൽ വെബ്‌സൈറ്റ് www.kanj.org സന്ദർശിക്കണമെന്ന് ട്രഷറർ ജോൺ വർഗീസ് നിർദ്ദേശിച്ചു.

കാൻജ് ഓണാഘോഷങ്ങളുടെ മെഗാ സ്‌പോൺസർ ജോയ് ആലുക്കാസ് ലൈഫ്സ്‌റ്റൈൽ ഡെവലപ്പേഴ്സ് ആണ്. നോർത്ത് അമേരിക്കയിലെ ഏറ്റവും വലിയ ഓണാഘോഷചടങ്ങുകളുടെ ഭാഗമാകുവാൻ കഴിഞ്ഞതിൽ ആലുക്കാസ് ഡെവലപ്പേഴ്സ് ഗ്രൂപ്പിന് വളരെ അധികം സന്തോഷം ഉണ്ടെന്നു കാൻജ് ഓണാഘാഷ ചടങ്ങുകളുടെ ഗോൾഡ് ടവർ സ്‌പോൺസർ ഡിസൈൻ പ്രകാശനം ചെയ്തു സംസാരിക്കവെ ജോയ് ആലുക്കാസ് പറഞ്ഞു. ചടങ്ങിൽ ആലുക്കാസ് നോർത്ത് അമേരിക്കയുടെ ഓപ്പറേഷൻസ് ഇൻ ചാർജ് ഹെന്റി, അനിയൻ ജോർജ്, ദിലീപ് വർഗീസ്, ഓണം കൺവീനർ അജിത് കുമാർ ഹരിഹരൻ, സെക്രട്ടറി സ്വപ്ന രാജേഷ്, ജെയിംസ് ജോർജ് തുടങ്ങി അനേകം കാൻജ് ഭാരവാഹികൾ പങ്കെടുത്തു.

കാൻജ് പ്രസിഡന്റ് അലക്സ് മാത്യു, സെക്രട്ടറി സ്വപ്ന രാജേഷ്, ട്രഷറർ ജോൺ വർഗീസ്, ഓണം കൺവീനർ അജിത് ഹരിഹരൻ, ജിബി തോമസ്, അനിയൻ ജോർജ്, ദിലീപ് വർഗീസ്,നന്ദിനി മേനോൻ, എക്സ്സ് ഒഫീഷ്യൽ റോയ് മാത്യു, ട്രസ്ടീ ബോർഡ് ചെയർമാൻ സജി പോൾ , കോ കൺവീനേഴ്സ് ജിനേഷ് തമ്പി, ജിനു അലക്സ്, ജെയിംസ് ജോർജ്, ബസന്ത്, സ്മിത മനോജ്, ജോസ് വിളയിൽ, മാലിനി നായർ, സോമൻ ജോൺ നീനാ ഫിലിപ്പ്, ജോയിന്റ് സെക്രട്ടറി ജയൻ എം ജോസഫ്, ജോയിന്റ് ട്രഷറർ പ്രഭു കുമാർ, ദീപ്തി നായർ, രാജു കുന്നത്ത്, ജോസഫ് ഇടിക്കുള ,അബ്ദുള്ള സൈദ്, സോബിൻ ചാക്കോ ടൈംലൈൻ, ജെസ്സിക തോമസ് തുടങ്ങിയവർ അടങ്ങുന്ന വിപുലമായ കമ്മിറ്റിയാണ് ഈവർഷത്തെ ഓണാഘോഷത്തിന് നേതൃത്വം നൽകുന്നത്.

അമേരിക്കയിലെ ഏറ്റവും വലിയ ഓണാഘോഷത്തിലേക്ക് എല്ലാ മലയാളി സുഹൃത്തുക്കളേയും കുടുംബസമേതം ക്ഷണിക്കുന്നതായി സെക്രട്ടറി സ്വപ്ന രാജേഷ് കൺവീനർ അജിത് ഹരിഹരൻ എന്നിവർ സംയുക്തമായി അറിയിച്ചു.