കരിപ്പൂർ: കോഴിക്കോട് വിമാനത്താവളത്തിൽനിന്ന് വിമാനം ഒന്നര മണിക്കൂർ മുമ്പ് പുറപ്പെട്ടതിനെ തുടർന്ന് 14 പേരുടെ യാത്ര മുടങ്ങി. ശനിയാഴ്ച ദുബൈയിലേക്കുള്ള ഫ്‌ളൈ ദുബൈ വിമാനമാണ് നിശ്ചയിച്ച സമയത്തേക്കാൾ മുമ്പ് പുറപ്പെട്ടത്. നേരത്തേ നിശ്ചയിച്ച ഷെഡ്യൂൾ പ്രകാരം 3.15നായിരുന്നു പുറപ്പെടേണ്ടിയിരുന്നത്. എന്നാൽ, 1.45ന് തന്നെ യാത്ര തിരിക്കുകയായിരുന്നു. ഇതോടെ ടിക്കറ്റ് എടുത്ത 14 പേർക്ക് യാത്ര പോകാനായില്ല.

യാത്ര മുടങ്ങിയതോടെ സമയമാറ്റം അറിയിച്ചില്ലെന്ന് പറഞ്ഞ് ഇവർ പ്രതിഷേധിച്ചു. ഒടുവിൽ വിമാന കമ്പനി അധികൃതർ ഇടപെട്ട് ഇവർക്ക് ശനിയാഴ്ച രാത്രിയിലേക്കുള്ള വിമാനത്തിലേക്ക് ടിക്കറ്റ് നൽകുകയായിരുന്നു. രാത്രി 11.50നുള്ള ഫ്‌ളൈ ദുബൈ വിമാനത്തിലാണ് ഇവർക്ക് ടിക്കറ്റ് നൽകിയത്.

 

 

 

കരിപ്പൂർ വിമാനത്താവളംയാത്ര മുടങ്ങി