റിയാദ്: കളി കലാസാംസ്‌കാരിക വേദി സുലൈ ഏരിയ വെസ്റ്റ് യൂണിറ്റ് അംഗമായിരിക്കെ മരണപ്പെട്ട രാമചന്ദ്രൻ ആചാരിയുടെ (63) കുടുംബ സഹായം കൈമാറി. കഴിഞ്ഞ ജൂൺ മാസം കോവിഡ് ബാധയെത്തുടർന്ന് അൽ ജസീറ ആശുപത്രിയിൽ ചികിത്സയിലിരിക്കെയാണ് രാമചന്ദ്രനാചാരി മരണപ്പെടുന്നത്. കൊല്ലം പത്തനാപുരം പട്ടാഴി സ്വദേശിയായിരുന്നു. 25 വർഷമായി സൗദിയിൽ ജോലി ചെയ്തു വരികയായിരുന്നു. കേളി അംഗങ്ങളിൽ നിന്നും സ്വരൂപിക്കുന്ന കുടുംബസഹായ പദ്ധതിയിൽ നിന്നാണ് മരണപ്പെടുന്ന കേളി അംഗങ്ങളുടെ കുടുംബത്തെ സഹായിക്കുന്നത്.

സിപിഐ (എം) പത്തനാപുരം ഏരിയ സെക്രട്ടറി ജഗദീശൻ, മുൻ കേളി പ്രവർത്തകനും പ്രവാസി സംഘം കൊല്ലം ജില്ലാ സെക്രട്ടറിയുമായ നിസ്സാർ അമ്പലംകുന്ന്, സിപിഐ (എം) ഏരിയ കമ്മിറ്റി അംഗം എസ്.സജി, ലോക്കൽ കമ്മിറ്റി സെക്രട്ടറി അനീഷ്, പ്രവാസി സംഘം കൊല്ലം ജില്ലാക്കമ്മിറ്റി അംഗം മുകുന്ദൻ, പ്രവാസി സംഘം പത്തനാപുരം ഏരിയ സെക്രട്ടറി ബാബുമോൻ, പ്രസിഡന്റ് റിജു, പത്തനാപുരം പഞ്ചായത്ത് മുൻ ചെയർ പേഴ്‌സൺ കെ ബി ശ്രീദേവി, പ്രവാസി സംഘം പട്ടാഴി മേഖലാ കമ്മിറ്റി സെക്രട്ടറി ഗിരീഷ്, പ്രവാസി സംഘം പത്തനാപുരം ഏരിയ വൈസ് പ്രസിഡന്റ് തോമസ് ബേബി, എന്നിവരുടെ സാന്നിധ്യത്തിൽ സിപിഐ (എം) കൊല്ലം ജില്ലാ സെക്രട്ടറിയറ്റ് മെമ്പർ എസ്.ജയമോഹനാണ് സഹായം കൈമാറിയത്. രാമചന്ദ്രൻ ആചാരിയുടെ ഭാര്യ രാധാമണി കുടുംബ സഹായം ഏറ്റുവാങ്ങി.

 

 

കേളി