റിയാദ്: കേളി കലാസാംസ്‌കാരിക അൽഖർജ് ഏരിയാ ഹരീഖ് സൂഖ് യൂണിറ്റ് എക്‌സിക്യൂട്ടിവ് അംഗമായിരിക്കെ മരണപ്പെട്ട മുത്തുപിള്ള കുമാറിന്റെ (35) കുടുംബ സഹായം കൈമാറി. കഴിഞ്ഞ മെയ് മാസം ഹൃദയാഘാതത്തെത്തുടർന്നാണ് കുമാർ മരണപ്പെട്ടത്. തിരുവനന്തപുരം പാറശ്ശാല സ്വദേശിയായിരുന്നു. 5 വർഷമായി സൗദിയിൽ ജോലി ചെയ്തു വരികയായിരുന്നു. കേളി അംഗങ്ങളിൽ നിന്നും സ്വരൂപിക്കുന്ന കുടുംബസഹായ പദ്ധതിയിൽ നിന്നാണ് മരണപ്പെടുന്ന കേളി അംഗങ്ങളുടെ കുടുംബത്തെ സഹായിക്കുന്നത്.

പാറശ്ശാല പഞ്ചായത്ത് പ്രസിഡന്റ് സുരേഷ്, സിപിഐ (എം) പാറശ്ശാല ബ്രാഞ്ച് സെക്രട്ടറി ബിജു, കേളിയുടെ പ്രതിനിധികളായ രക്ഷാധികാരിക്കമ്മിറ്റി മുൻ കൺവീനർ ഉണ്ണികൃഷ്ണൻ, ബേബി, സിഐടിയു മോട്ടോർ തൊഴിലാളി ജില്ലാ പ്രസിഡന്റ് തമ്പിക്കുട്ടൻ, വണ്ടിത്തല മധു എന്നിവരുടെ സാന്നിധ്യത്തിൽ പാറശ്ശാല എംഎൽഎ സി കെ ഹരീന്ദ്രനാണ് സഹായം കൈമാറിയത്. കുമാറിന്റെ ഭാര്യ വിജില കുടുംബ സഹായം ഏറ്റുവാങ്ങി.

 

കേളി