റിയാദ്: കേളി കലാസാംസ്‌കാരിക വേദി ഈദിനോടനുബന്ധിച്ച് മാപ്പിളപ്പാട് മത്സരം സംഘടിപ്പിച്ചു. ഓൺലൈനിൽ നടന്ന മത്സരത്തിൽ റിയാദിലെ വിവിധ ഭാഗങ്ങളിൽ നിന്നായി നിരവധി കുട്ടികൾ പങ്കാളികളായി.

കേളി സാംസ്‌കാരിക കമ്മിറ്റി കൺവീനർ സജിത് കെ.പി സ്വാഗതം പറഞ്ഞ മാപ്പിളപ്പാട്ട് മത്സര പരിപാടി കേളി ജീവകാരുണ്യ വിഭാഗം കൺവീനർ നസീർ മുള്ളൂർക്കര ഉദ്ഘാടനം ചെയ്തു. കേളി കുടുംബവേദി സെക്രട്ടറി സീബ കൂവോട് മത്സര പരിപാടികൾ നിയന്ത്രിച്ചു. രക്ഷാധികാരി കമ്മിറ്റി കൺവീനർ കെ.പി.എം.സാദിഖ്, ആക്റ്റിംങ് സെക്രട്ടറി ടി.ആർ.സുബ്രഹ്‌മണ്യൻ, പ്രസിഡന്റ് ചന്ദ്രൻ തെരുവോത് എന്നിവർ ആശംസ അർപ്പിച്ചു സംസാരിച്ചു. മുഹ്സിൻ കുരുക്കൾ, അഷ്റഫ് പുളിക്കൽ, അനിൽ കുമാർ എന്നിവർ അടങ്ങിയ ജഡ്ജിങ് പാനലാണ് മൂന്ന് മണിക്കൂറോളം നീണ്ടു നിന്ന മത്സര പരിപാടികൾ വിലയിരുത്തി വിജയികളെ തീരുമാനിച്ചത്.

ജൂനിയർ വിഭാഗത്തിൽ ഷദ അബൂബക്കർ ഒന്നാം സ്ഥാനവും മുഹമ്മദ് നഫാദ്, മുഹമ്മദ് അർമ്മാൻ അലി എന്നിവർ രണ്ടാം സ്ഥാനവും, ദുർഗ കെ.എ, ദേവന വി.എൻ, അബ്ദുൽ റഹ്‌മാൻ ദിലീഫ് എന്നിവർ മൂന്നാം സ്ഥാനവും കരസ്ഥമാക്കി. സീനിയർ വിഭാഗത്തിൽ അനീഖ് ഹംദാൻ ഒന്നാം സ്ഥാനവും, നേഹ പുഷ്പരാജ്, ഫിദ ഫാത്തിമ, മുഹമ്മദ് എന്നിവർ രണ്ടാം സ്ഥാനവും, ഹന്നാൻ ശിഹാബ്, നൈറ ഷഹദാൻ എന്നിവർ മൂന്നാം സ്ഥാനവും കരസ്ഥമാക്കി. സാംസ്‌കാരിക വിഭാഗം ചെയർമാൻ പ്രതീപ് കുമാർ നന്ദി പറഞ്ഞു.

 

കേളി