കേരളാ ഹിന്ദൂസ് ഓഫ് സൗത്ത് ഫ്‌ളോറിഡയുടെ 'വിഷുകൈനീട്ടം'
മയാമി: കേരളത്തനിമയുടെ അമേരിക്കൻ പതിപ്പായ ഫ്‌ളോറിഡയിൽ, മലയാളികളുടെ കാർഷിക ഉത്സവമായ വിഷുവിന് മാറ്റുകൂട്ടുവാൻ കേരളാ ഹിന്ദൂസ് ഓഫ് സൗത്ത് ഫ്‌ളോറിഡ (കെ.എച്ച്.എസ്.എഫ്) ഒരുങ്ങുന്നു. സ്വന്തമായി ഒരു പ്രാർത്ഥനാമന്ദിരം എന്ന ലക്ഷ്യത്തിലേക്കു നീങ്ങുന്നതിന്റെ മുന്നോടിയായി ഈ വിഷുവിന് കെ.എച്ച്.എസ്.എഫ് ഒരുക്കുന്ന 'സോളിഡ് ഫ്യൂഷൻ ടെംപ്‌റ്റേഷൻ' എന
മയാമി: കേരളത്തനിമയുടെ അമേരിക്കൻ പതിപ്പായ ഫ്‌ളോറിഡയിൽ, മലയാളികളുടെ കാർഷിക ഉത്സവമായ വിഷുവിന് മാറ്റുകൂട്ടുവാൻ കേരളാ ഹിന്ദൂസ് ഓഫ് സൗത്ത് ഫ്‌ളോറിഡ (കെ.എച്ച്.എസ്.എഫ്) ഒരുങ്ങുന്നു. സ്വന്തമായി ഒരു പ്രാർത്ഥനാമന്ദിരം എന്ന ലക്ഷ്യത്തിലേക്കു നീങ്ങുന്നതിന്റെ മുന്നോടിയായി ഈ വിഷുവിന് കെ.എച്ച്.എസ്.എഫ് ഒരുക്കുന്ന 'സോളിഡ് ഫ്യൂഷൻ ടെംപ്‌റ്റേഷൻ' എന്ന പരിപാടി ഏപ്രിൽ 17-ന് 6 മണിക്ക് നടത്തുന്നു. മലയാളികളുടെ ഗായികാസങ്കൽപങ്ങൾക്ക് പുതിയ മാനങ്ങൾ നൽകിയ റിമി ടോമി, സംഗീതമാന്ത്രികൻ സ്റ്റീഫൻ ദേവസിയും അദ്ദേഹത്തിന്റെ ബാന്റും ഉൾപ്പെടുന്ന പതിനഞ്ചോളം കലാകാരന്മാരെ അണിനിരത്തി നടത്തുന്ന ഈ സംഗീതപ്രപഞ്ചത്തിലേക്ക് എല്ലാ മലയാളികളേയും സ്വാഗതം ചെയ്തു.
പരിപാടികൾക്ക് മാറ്റുകൂട്ടുവാൻ 6 മണി മുതൽ വിഭവസമൃദ്ധമായ വിഷു സദ്യ, വിഷുക്കണി എന്നിവയും സംഘടിപ്പിക്കുന്നുണ്ട്. വിലാസം: Coral Spring High School Auditorium, 7201 West Sample Road, CoralSprings 33065 കൂടുതൽ വിവരങ്ങൾക്ക്: 786 371 4694, 754 265 9978, 954 609 8650. പത്മകുമാർ കെ.ജി (305 776 9376) അറിയിച്ചതാണിത്.
