മയാമി : കഴിഞ്ഞ ഓഗസ്റ്റിൽ കേരളത്തെ പിടിച്ചു കുലുക്കിയ പ്രളയ ദുരിതത്തെ നമ്മളാരും മറന്നിട്ടില്ല .ഇനി വേണ്ടത് ഒരു പുനർനിർമ്മാണമാണ്.നമ്മുടെ പഴയ കേരളത്തെ വീണ്ടെടുക്കാൻ നടത്തിയ ഉദ്യമങ്ങളാൽ ഫ്ളോറിഡയിലെ കേരളാ സമാജം ഇതര സംഘടനകൾക്ക് മാതൃകയാവുകയാണ് .

പ്രളയം അതിന്റെ താണ്ഡവമാടിത്തുടങ്ങിയ ഓഗസ്റ്റ് 15 നുതന്നെ കേരളാ സമാജം സ്വന്തം നിലയിൽ രണ്ടുലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകി . തുടർന്ന് ഓഗസ്റ്റ് 17 നു നടക്കേണ്ടിയിരുന്ന ഓണാഘോഷം കേരളത്തിന്റെ കണ്ണുനീരിനു മുന്നിൽ സമർപ്പിച്ചു ഞങ്ങൾനടത്തിയ 'കരുണയോടെ കരുതലോടെ കേരളത്തോടൊപ്പം' എന്ന പരിപാടിയിൽ സുമനസുകളുടെ സഹായത്താൽ ഞങ്ങൾ സ്വരൂപിച്ച 8 ,00,000 ഉൾപ്പടെ മൊത്തം 10,00,000 രൂപ കഴിഞ്ഞ ദിവസം മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി . ഈ വലിയ ഉദ്യമത്തിൽ കേരള സമാജത്തോടൊപ്പം നിന്ന സൗത്ത് ഫ്ളോറിഡയിലെ എല്ലാ നല്ല മനസുകൾക്കും നന്ദി രേഖപ്പെടുത്തുന്നതായി പ്രസിഡന്റ് സാം പാറതുണ്ടിലും സെക്രട്ടറി പത്മകുമാർ .കെ.ജി യും അറിയിച്ചു. പത്മകുമാർ. കെ.ജി അറിയിച്ചതാണിത്