മസ്‌കത്ത് എയർപോർട്ടിൽ ട്രാവൽസിറ്റിയിൽ ജോലി ചെയ്തിരുന്ന പ്രവാസി മലയാളി ഹൃദയാഘാതം മൂലം മരിച്ചു

മസ്‌കത്ത്: മസ്‌കത്ത് എയർപോർട്ടിൽ ട്രാവൽസിറ്റിയിൽ ജോലി ചെയ്തിരുന്ന പ്രവാസി മലയാളി ഹൃദയാഘാതം മൂലം മരിച്ചു. കണ്ണൂർ കാഞ്ഞിരോട് സ്വദേശി ബ്ലെസ്സിങ്‌സ് കുട്ടിസൻ ഹാജിയുടെ മകൻ പി.സി ഹാഷിം (53) ആണ് മരിച്ചത്. ഹൃദയാഘാതം മൂലം മസ്‌കത്ത് അപ്പോളോ ആശുപത്രിയിൽ വച്ചായിരുന്നു അന്ത്യം.

കുടുംബവുമൊത്ത് റുസൈൽ സിറ്റി സെന്ററിനടുത്തായിരുന്നു ഹാഷിം താമസിച്ചിരുന്നത്. മസ്‌കത്തിലെ മോർച്ചറിയിൽ സൂക്ഷിച്ചിരിക്കുന്ന മൃതദേഹം കോവിഡ് പരിശോധനക്ക് ശേഷം നെഗറ്റീവ് ആണെങ്കിൽ നാട്ടിലേക്ക് കൊണ്ടുപോവാനുള്ള നടപടിക്രമങ്ങൾ പുരോഗമിക്കുകയാണ്.

മാതാവ്: പള്ളികച്ചാലിൽ ആസിയുമ്മ. ഭാര്യ: തസ്‌നീമ ഹാഷിം. മക്കൾ: നിദ ഹാഷിം, നിഹാൽ ഹാഷിം, നുഹ ഹാഷിം. സഹോദരങ്ങൾ: ഹലീമ, മൊയ്തു, ഖദീജ, ജുബൈരിയ, മയ്മൂന, ഹഫ്‌സത്ത്, റാബിയ.