വിസ്‌ക്കോൺസിൻ: മിൽവാക്കി ആസ്ഥാനമാക്കി മലയാളികളുടെ കൂട്ടായ്മ ആയ  KIM (Keralites in Milwaukee),, 2017 നവംബർ 4 നു രൂപം കൊണ്ടു. ഗ്രീൻഫീൽഡ് അമേരിക്കൻ കോളനി ക്ലബ് ഹൗസിൽ നടന്ന പ്രൗഡഗംഭീരമായ ചടങ്ങിൽ ഗ്രേറ്റർ മിൽവാക്കീയിൽ നിന്നുമുള്ള മലയാളികൾ പങ്കെടുത്തു.

പ്രസ്തുത യോഗത്തിൽ സ്ഥാപക പ്രസിഡന്റ് അയി കെ. ഷെറി ജോർജ് , .സുബി ജോർജ് (സെക്രട്ടറി), സുധീർ .എൻ .പിള്ള (ജോ .സെക്രട്ടറി ), .ബിനു തോമസ് (ട്രഷറാർ), റോസി ജോൺസൺ , നിഷാൻ അബ്രഹാം (കമ്മിറ്റീ മെംബേർസ് ) എന്നിവരെ തെരഞ്ഞെടുത്തു.

മിൽവാക്കിയിലെ മലയാളികളെ ഏകോപിപ്പിക്കുകയും ,സാമൂഹിക ഉന്നമനത്തിനായി പ്രവൃത്തിക്കുകയും ചെയ്യുക എന്നതാണു സംഘടനയുടെ ലക്ഷ്യം എന്നു ഉദ്ഘാടന പ്രസംഗത്തിൽ കിമ്മിന്റെ പ്രസിഡണ്ട് കെ .ഷെറി ജോർജ് സൂചിപ്പിക്കുകയുണ്ടായി. സംഘടനയുടെ ഉൽഘാടന സമ്മേളനത്തോടനുബന്ധിച്ച് നടന്ന ചടങ്ങിൽ പോട്ട്ലക്കും, കേരള പിറവിയോടു അനുബന്ധപെട്ട് മറ്റു കലാപരിപാടികളും അരങ്ങേറി.

ചടങ്ങിൽ സെക്രട്ടറി സുബി ജോർജ് സ്വാഗതവും, ബിനു തോമസ് കൃതജ്ഞത രേഖപ്പെടുത്തുകയം ചെയ്തു. മിൽവാക്കിയിലും പരിസരത്തുമുള്ള മലയാളികൾക്കു സംഘടനയുമായി ബന്ധപ്പെടുവാൻ ഇമെയിൽ അഡ്രസ് ഉപയോഗിക്കാവുന്നതാണ്.

ഇമെയിൽ: keralitesinmilwaukee@gmail.com