കെറ്ററിങ്ങ്: കെറ്ററിങ്ങ് ക്‌നാനായ കാത്തലിക് യൂത്ത് ലീഗ് (യുകെകെസിഎവൈഎൽ) ന് നവനേതൃത്വം. യുകെകെസിവൈഎൽ കെറ്ററിങ്ങ് യൂണിറ്റ് പ്രസിഡന്റ് ആയി മെറിറ്റ് സോയിച്ചനും സെക്രട്ടറിയായി ഷിബിൻ ജോസും തെരഞ്ഞെടുക്കപ്പെട്ടു. ടെസ്‌വിൻ ജോൺ വൈസ് പ്രസിഡന്റ്, മെൽബാ ബിജു ജോ. സെക്രട്ടറി, ജോറ്റോ ടോമി ട്രഷറർ എന്നിവരാണ് നേതൃത്വ നിരയിൽ. യൂണിറ്റ് ഡയറക്ടർമാരായി ജോൺ പാട്ടശ്ശേരി, സുനി ബിജു വടക്കേക്കര എന്നിവരെ തെരഞ്ഞെടുത്തു.

യുവജനങ്ങളിലെ സന്മാർഗ്ഗ കഴിവുകൾ വികസിപ്പിക്കുന്നതിനും നേതൃത്വ ഗുണങ്ങൾ രൂപവൽക്കരിപ്പിക്കുന്നതിനും സഭാ - സമുദായ സ്‌നേഹം നെഞ്ചോട് ചേർത്ത് യുവജനങ്ങളെ കർമ്മോത്സുകരാക്കുന്നതിനായി കേരള കത്തോലിക്കാ സഭയിൽ ആദ്യമായി കെസിവൈഎൽ എന്ന യുവജന പ്രസ്ഥാനം രൂപീകരിച്ചത് കോട്ടയം അതിരൂപതയിലാണ്. യുകെയിലെ കെസിവൈഎൽ ചാപ്ലിയൻ ഗ്രേറ്റ് ബ്രിട്ടൻ സീറോ മലബാർ വികാരി ജനറൽ ഫാ. സജി മലയിൽ പുത്തൻപുരയാണ്.