മുനവ്വർ അഹമ്മദിനെ കെഎംസിസി ബഹ്റൈൻ കോഴിക്കോട് ജില്ലാ കമ്മിറ്റി അനുമോദിച്ചു

മനാമ: കേരള സംസ്ഥാന തലത്തിൽ ഒരു ലക്ഷത്തിലധികം പേര് പങ്കെടുത്ത അലിഫ് അറബിക് ടാലന്റ് ടെസ്റ്റിൽ രണ്ടാം സ്ഥാനാം നേടിയ മുനവ്വർ അഹമ്മദിനെ കെഎംസിസി ബഹ്റൈൻ കോഴിക്കോട് ജില്ലാ കമ്മിറ്റി അനുമോദിച്ചു.

കെഎംസിസി സംസ്ഥാന സെക്രട്ടറിയും ബഹ്റൈൻ ജീവ കാരുണ്യ സാംസ്‌കാരിക രംഗത്ത് എന്നും മുൻപന്തിയിലുള്ള എ പി ഫൈസൽ വില്യാപള്ളിയുടെ മകനാണ് മുനവർ.

കെഎംസിസി കോഴിക്കോട് ജില്ലാ ആക്ടിങ് പ്രസിഡന്റ് ശരീഫ് വില്ല്യാപ്പള്ളി മൊമെന്റോ നൽകി. സംസ്ഥാന സെക്രെട്ടറി എ പി ഫൈസൽ, ജില്ലാ ആക്ടിങ് ജനറൽ സെക്രെട്ടറി പി കെ ഇസ്ഹാഖ്, സെക്രട്രിയേറ്റ് മെമ്പർ അസ്ലം വടകര, ജില്ലാ ഭാരവാഹികളായ അസീസ് പേരാമ്പ്ര, കാസിം നൊച്ചാട്, ജെ പി കെ തിക്കോടി, മലപ്പുറം ജില്ലാ വൈസ് പ്രസിഡന്റ് റിയാസ് ഓമാനൂർ, പേരാമ്പ്ര മണ്ഡലം സെക്രട്ടറി നൗഷാദ് പേരാമ്പ്ര തുടങ്ങിയവർ സംബന്ധിച്ചു.