കെ.എം.സി.സി ബഹ്റൈൻ സി. മോയിൻകുട്ടി ഹാജി അനുസ്മരണം ഇന്ന്

മനാമ: മുൻ എംഎ‍ൽഎയും മുസ്ലിം ലീഗ് സംസ്ഥാന വൈസ് പ്രസിഡന്റുമായിരുന്ന സി. മോയിൻകുട്ടി ഹാജിയുടെ വിയോഗത്തിൽ കെ.എം.സി.സി ബഹ്റൈൻ സംസ്ഥാന കമ്മിറ്റിയുടെ നേതൃത്വത്തിൽ സംഘടിപ്പിക്കുന്ന അനുസ്മരണം ഇന്ന് നടക്കും. രാത്രി 7.30ന് (ഇന്ത്യൻ സമയം രാത്രി 10.00) സൈബർ വിങ് വാട്ട്സ്ആപ്പ് ഗ്രൂപ്പിൽ നടക്കുന്ന ഓൺലൈൻ സംഗമം പി.കെ.കെ ബാവ ഉദ്ഘാടനം ചെയ്യും.

കെ.എം.സി.സി ബഹ്റൈൻ സീനിയർ വൈസ് പ്രസിഡന്റ് കുട്ടൂസ മുണ്ടേരി അധ്യക്ഷത വഹിക്കുന്ന സംഗമത്തിൽ മുസ്ലിം യൂത്ത് ലീഗ് ഉപാധ്യക്ഷൻ നജീബ് കാന്തപുരം അനുസ്മരണ പ്രഭാഷണം നടത്തും. കെ.എം.സി.സി സംസ്ഥാന പ്രസിഡന്റ് ഹബീബ് റഹ്മാൻ, ആക്ടിങ് ജന. സെക്രട്ടറി ഒ.കെ ഖാസിം, എസ്.വി ജലീൽ, ശംസുദ്ധീൻ വെള്ളികുളങ്ങര, ഫൈസൽ കണ്ടീത്താഴ, ഷാജഹാൻ പരപ്പൻപൊയിൽ എന്നിവർ സംസാരിക്കും. സംഗമത്തിൽ കെ.പി മുസ്തഫ സ്വാഗതവും എം.എ റഹ്മാൻ നന്ദിയും പറയും.