ജിദ്ദ: തിരുരങ്ങാടി മുനിസിപ്പാലിറ്റിയിലേക്കു യു ഡി എഫ് സ്ഥാനാർത്ഥിയായി മത്സരിക്കുന്ന സൗദി കെഎംസിസി നാഷണൽ കമ്മിറ്റി പ്രസിഡന്റ് കെ. പി മുഹമ്മദ് കുട്ടിയുടെ വിജയത്തിന് വേണ്ടി തിരുരങ്ങാടി മുനിസിപ്പൽ കെഎംസിസി തെരഞ്ഞെടുപ്പ് കൺവെൻഷൻ സംഘടിപ്പിച്ചു.

സൗദിയിലെ കെഎംസിസി പ്രവർത്തകർക്കും പ്രവാസികൾക്കുമിടയിൽ സുപരിചിതനായ കെ.പി മുഹമ്മദ് കുട്ടി സാഹിബിനെ വലിയ ഭൂരിപക്ഷത്തോടെ വിജയിപ്പിക്കണമെന്ന് യോഗം അഭ്യർത്ഥിച്ചു. ലോകത്തെ ഏറ്റവും വലിയ കെഎംസിസി ഘടകമായ സൗദി കെഎംസിസിക്കു നേതൃത്വം നൽകുന്ന കെ. പി മുഹമ്മദ് കുട്ടിയെ തെരെഞ്ഞെടുപ്പിനു ശേഷം തിരുരങ്ങാടി മുനിസിപ്പൽ ചെയർമാൻ ആക്കണമെന്നും യോഗത്തിൽ പ്രസംഗിച്ചവർ ആവശ്യപ്പെട്ടു.

തിരുരങ്ങാടി മുനിസിപ്പാലിറ്റിയിലേക്കു മത്സരിക്കുന്ന മുഴുവൻ യു ഡി എഫ് സ്ഥാനാര്ഥികളുടെയും വിജയത്തിന് വേണ്ടി പ്രവർത്തിക്കാനും യോഗത്തിൽ തീരുമാനിച്ചു.

തെരെഞ്ഞെടുപ്പ് കൺവെൻഷൻ മലപ്പുറം ജില്ലാ കെഎംസിസി ആക്ടിങ് പ്രസിഡന്റ് സീതി കൊളക്കാടൻ ഉത്ഘാടനം ചെയ്തു. പ്രസിഡന്റ് മുഹമ്മദ് റഫീഖ് പന്താരങ്ങാടി അധ്യക്ഷത വഹിച്ചു.

ഉനൈസ് കരിമ്പിൽ , ജാഫർ വെന്നിയൂർ, അബ്ദുസ്സമദ് പൊറ്റയിൽ, അബ്ദുൽ ഗഫൂർ പൂങ്ങാടൻ, നൗഫൽ കുളിപ്പിലാക്കൽ, സജ്ജാദ് പൂങ്ങാടൻ, ഫഹദ് മുരിങ്ങാതൊടി എന്നിവർ പ്രസംഗിച്ചു.

താപ്പി മുഹിയുദ്ധീൻ ഖിറാഅത് നടത്തി. ആക്ടിങ് സെക്രട്ടറി എംപി റഊഫ് സ്വാഗതം പറഞ്ഞു.

 

കെഎംസിസി